Masalimo 119:4 - IBAYIBOLO 2024

⁴ Ukatupa indaghilo zyako umwakuti tuzikonkaye mubusubiliwa.

Masalimo 119:4 Iomraidhean Croise

Ezila 7:21

Losi ulu ane ne mwene u Alitakiselesesi, nkubalamula abasunga nyambi bosi aba kwisila ilya lusoko ulwa Yufuleti ukuti mumupe lubilolubilo umuputi u Ezila, umumanyisi uwa Ndaghilo izya Chala uwakumwanya vyosi vivyo akulonda,

Ukufuma 7:6

U Mozesi nu Aloni bakabomba bulo vivyo u Mwene akabalamula.

Yelemiya 7:23

loli nkabapa ilamulo ilyakuti: Munyivwilaye po nkwiza pakubanga ne Chala winyu sona amwe mukwiza pakubanga mwe bantu bane. Muzikonkaye izila zyosi zizyo nkubalamula, nanti mukulonda ukuti ivintu vibendelaye akiza.

Ezekiyeli 20:19

Ane ne Mwene u Chala winyu, muzikonkaye indaghilo zyane sona mubikayepo umoyo pakughasungilila amalamulo ghane.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Yohani 14:15

“Nanti munganite, mukwiza pakukonka amalamulo ghane.

Yohani 14:21

“Umuntu wesi yuyo akughitika amalamulo ghane nukughakonka, weyuyo anganite. Utata wane akwiza pakumughana wesi yuyo anganite. Nane bulo nkwiza pakumughana nukwilanjizya nemwene kukwache.”

Ukukumbusya Amalamulo 11:13

Polelo nanti mukughakonka amalamulo ghagho nkubapa ilelo pakumughana u Mwene u Chala winyu nu nukumubombela nu moyo winyu ghosi, sona nu muzimu winyu ghosi,

Ukukumbusya Amalamulo 11:22

Mughakonkaye nu moyo winyu ghosi amalamulo ghosi ghagho nkubapa. Mumughanaye u Mwene u Chala winyu pakubomba vyosi vivyo akubalamula, sona mubanje mwe basubiliwa kukwache.

Ukukumbusya Amalamulo 12:32

Muchebaye nkani ukuti mukukonka vyosi vivyo nkubalamula. Mutakonjelezyanjepo nachimochimo ichintu, pamo ukwefyapo nachimochimo ichintu.

Ukukumbusya Amalamulo 30:16

Nanti mukughakonka amalamulo agha Mwene u Chala winyu, ghagho nkubapa ilelo, nanti mukumughana nukumwivwila, sona nanti mukuzikonka indaghilo zyache, amwe mukwiza pakuba nubumi, sona mukwiza pakuba mwe binji nkani. U Mwene u Chala winyu akwiza pakubasaya muchisu chicho mukubuka pakwikalamo.

Ukukumbusya Amalamulo 4:1

Po u Mozesi akababuzya aba Izilayeli akati, Mwee ba Izilayeli, ivwa kuno. Mughivwilaye amalamulo ghosi ghagho nkabamanyisya umwakuti mubanje nubumi, sona nukuti mwinjile pakuchifyula ichisu, chicho u Mwene u Chala uwa banyenya binyu akubapa.

Ukukumbusya Amalamulo 4:9

Mubanje maso, sona muchebaye ukuti mutakaluvyanje ivintu vyosi vivyo mukuvyennya na maso ghinyu, pamo ukuvizimya mumoyo ghinyu mukabalilo kosi aka bumi bwinyu. Mubabuzye abana binyu na bizukulu binyu bulo.

Ukukumbusya Amalamulo 6:17

Mwenelezye ukuti mukughakonka amalamulo ghosi ghagho abapiye.

Ukukumbusya Amalamulo 6:3

Mwee ba Izilayeli, ivwa kuno, sona mwenelezye ukuti mukuvikonka, umwakuti vyosi vibendelelaye akiza, sona nukuti munyamane nkani muchisu icha mboto ukuyana namumo u Mwene u Chala uwa banyenya binyu akabalayizizya.

Yoshwa 1:7

Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.

1 Yohani 5:3

Pakuti ukumughana u Chala kokuti tukukonka amalamulo ghache. Amalamulo ghache ghate makafu kukwitu.