Masalimo 119:36 - IBAYIBOLO 2024

³⁶ Mpanga ichinyonywa icha malamulo ghako, mubuzilo ubwa chinyonywa icha bukabi ubwa bumyasi.

Masalimo 119:36 Iomraidhean Croise

1 Abamwene 8:58

Aghapindule amoyo ghitu umwakuti tubombaye ubwighane bwache, pakughakonka amalamulo ni ndaghilo zyache, zizyo akabapa abanyenya bitu.

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 141:4

Umoyo wane ghutakawesiwanje ni vintu ivibibi, sona intakasendayepo ichigaba mumbombo imbibi. Utakanyitikizyanje ukuti nangalaye poka na babomba mbibi, sona intakalyanje nabo ichakulya chabo ichinonu.

Masalimo 51:10

Wee Chala, umpelele umoyo umuswepu, sona ubikayemo mukasi mumwane umuzimu umupya nu wamaka.

Ukufuma 18:21

Loli usalepo abanavuli abamahala pakasi pabantu. Abanavuli banaba babanje bakumunyila u Chala, abasubiliwa, sona babo baghabengite amabeko, nukubimika pakuba balongozi ba tubukatila utwa bantu utwa 1,000 nutwa 100 nutwa 50 sona nutwa 10.

Yelemiya 32:39

Nkwiza pakubapa u moyo ghoka nizila yoka umwakuti bakwiza pakunyilagha nukunchindika akabalilo kosi pachifukwa ichabwiza bwabo nu bwiza ubwa bana babo sona nababo bakwizila mwisinda mumwabo.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Habakuku 2:9

“Aghuniwanje umuntu yuyo akuzenga akaya kache pakubombezya izila inyonganu, nukuzenga ivivumbo vyache pamwanya, umwakuti ubupalapala butakamwaghe.

Luka 12:15

Po akendelela pakubabuzya abantu bosi akati, “Muchebaye, sona mutakabanje nu bupafu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Aba Efeso 5:3

Loli mumwinyu mutakabemo izya bwamalaya, pamo ubunyazu, pamo ubupafu, pakuti abantu abazelu aba Chala batangabomba ivintu vinivi.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.