Masalimo 119:34 - IBAYIBOLO 2024

³⁴ Umpe akivwisizye aka lulaghilo lwako, po nkwiza pakulusunga, sona nkwiza pakulikonka nu moyo wane ghosi.

Masalimo 119:34 Iomraidhean Croise

1 Imbili 22:12

U Mwene akupanje amahala na kivwisizye, bo waba we mulaghili uwa aba Izilayeli, umwakuti uzikonkaye indaghilo izya Mwene u Chala wako.

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 119:10

Nkukulondelezya nu moyo wane ghosi, po utakitikizyanje ukuti impotwe pakuzikonka indaghilo zyako.

Masalimo 119:100

Indi na mahala nkani ukubachila abasongo, pakuti nkughakonka amalamulo ghako.

Masalimo 119:104

Amalamulo ghako ghakumpa amahala, polelo izibengite izila imbibi.

Masalimo 119:125

Ane ne mubombi wako, mpanga amahala aghakwivwisizya, umwakuti ingamanye amalamulo ghako

Masalimo 119:130

polelo nkuzikonka. Ukuvumbuliwa ukwa mazyu kukupa ulukozyo, sona kukupa amahala abantu babo bate na amahala.

Masalimo 119:144

Indaghilo zyako ngolosu bwila na bwila, umpanje amahala ukuti imbanje nubumi.

Masalimo 119:169

Wee Mwene, ukulila kwane kufike pamaso papako. Mpanga amahala aghakivwisizye, ukuyana nizyu lyako lilalila.

Masalimo 119:2

Basayiwa babo bakughasunga amalamulo ghache, nukumulondelezya na moyo ghabo ghosi.

Masalimo 119:58

Nu moyo wane ghosi, nkulaba ukuti umpelelaye ichisa ukuyana ni layizyo lyako.

Masalimo 119:66

Umanyisyanje amahala ghako, sona na kivwisizye akiza, pakuti ingasubiye amalamulo ghako.

Masalimo 119:69

Napapo abantu abamyasi bakuyinanga imbili yane, pope bulo nkughasunga amalamulo ghako nu moyo wane ghosi.

Masalimo 119:73

Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 39:2

Loli bo indi bulo myee sona intakanenapo nachimochimo ichiza, pope bulo intamyo zyane zikonjelela.

Matayi 5:19

Umuntu wesi yuyo atakwivwila nakope akanandi aka malamulo ghanagha nukumanyisya abanji pakubomba bunubu, akwiza pakuba munandi mu Bumwene ubwa Kumwanya. Loli umuntu wesi yuyo akukonka Indaghilo zinizi nukumanyisya abanji pakubomba bunubu, akwiza pakuba we songo mu Bumwene ubwa Kumwanya.

Matayi 7:24

“Umuntu wesi yuyo akwivwa amazyu ghane nukughabombezya imbombo ayanite bulo nu muntu uwamahala, yuyo akazenga inyumba yache pilyalabwe.

Yohani 7:17

Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane.

Ukukumbusya Amalamulo 4:6

Mughakonkaye na moyo ghinyu ghosi pakuti ichi chikwiza pakubalanjizya abantu aba inko izinji ukuti mwe bamahala na bakwivwisya. Bo bivwa nizya ndaghilo na malamulo ghanagha bakwiza pakunena ukuti, “Naloli uluko ulukulu ulu, lo luko ulwa mahala nu lwakwivwisya.”

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.