Masalimo 119:21 - IBAYIBOLO 2024

²¹ Abantu abakwitutumula ukubachemela, kokuti babo baghuniwe, sona babo bakwepako ku malamulo ghako.

Masalimo 119:21 Iomraidhean Croise

Nehemiya 9:16

“Loli abanyenya bitu bakitutumula nukuba na moyo amakafu, po batakaghakonkagha amalamulo ghako.

Nehemiya 9:29

“Ukabasoka ukuti bande sona pakuzikonka indaghilo zyako, loli bakitutumula nukughasulannya amalamulo ghako. Bakavikana ivimanyisyo vyako, vivyo vikumupa umuntu ubumi nanti akuvikonka. Pachifukwa icha moyo ghabo amakafu, bakakupa inkonto, sona bakakana pakukwivwila.

Masalimo 119:10

Nkukulondelezya nu moyo wane ghosi, po utakitikizyanje ukuti impotwe pakuzikonka indaghilo zyako.

Masalimo 119:110

Abantu ababibi bantegha ni chipingo, loli intaghasulitepo nalumo amalamulo ghako.

Masalimo 119:118

Ukubapa inkonto bosi babo bakughasulannya amalamulo ghako, pakuti bazimbuli.

Masalimo 119:78

Abantu abakwituvya bakoziwanje isoni, pakuti banangiye papo pate ni chifukwa nachimochimo, loli ane nkwiza pakwinong'ona nizya malamulo ghako.

Masalimo 138:6

Napapo u Mwene ali kumwanya, akubasungilila abantu abakwiyisya, loli abakwituvya akubamanyila pabutali bulo.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Yesaya 10:12

Po u Mwene ayimalizya imbombo yache yosi Pighamba ilya Ziyoni na mu Yelusalemu akwiza ukunena ukuti, “Nkwiza pakumufunda u mwene uwamu Asiliya, pachifukwa icha mituvyo nukwikwezya.

Yesaya 42:24

Nkimba wewenu yuyo akamubika u Yakobo, munyobe izya bakuzompola, sona aba Izilayeli munyobe izya bakufyula? Fwandi atakaba we Mwene yuyo tumunangiye? Pakuti batakakonkagha ivimanyisyo vyache, sona batakivwilagha ululaghilo lwache?

Yesaya 43:28

Pachifukwa chinichi abalaghili aba chisu, babunyazizye Ubuzilo Ubuzelu, po nkubuka nukubanangannya aba Izilayeli, nkwiza pakubaleka abantu bane ukuti basamuliwanje.”

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Luka 18:14

U Yesu akati, “Nkubabuzya ukuti umusonkezya sonko akabwela kunyumba, bo u Chala amunena pakuba mugholosu pamaso papache, umu Falisayi yula, awe. Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Aba Galatiya 3:13

U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.”

Ukukumbusya Amalamulo 28:15

Loli nanti mutakumwivwila u Mwene u Chala winyu, sona nanti mutakughakonka amalamulo ni ndaghilo zizyo nkubapa ilelo, ivighune vyosi vinivi vikwiza pakubawila.

Ukukumbusya Amalamulo 30:19

Ilelo kumwanya ni chisu ichapasi vibanje bakaboni bane ukuti nkubapa ulusako ulwa kusalapo, ubumi pamo ubufwe, ulusayo pamo ichighune. Salapo ubumi, umwakuti amwe na baluko lwinyu mube nubumi.

Yakobo 4:6

Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”