Masalimo 119:149 - IBAYIBOLO 2024

¹⁴⁹ Wee Mwene ivwa izyu lyane pachifukwa icha lughano lwako, ubusungaye ubumi bwane, ukuyana na malamulo ghako.

Masalimo 119:149 Iomraidhean Croise

Masalimo 109:21

Loli awe wee Mwene Uwamaka Ghosi, umbombelaye inyiza, umwakuti indichindikaye itabwa lyako, umpoke pachifukwa icha lughano lwako ulwiza ulwa bwila na bwila.

Masalimo 119:154

Unyimile pa nongwa yane sona umpoke, umpe ubumi ukuyana ni layizyo lyako.

Masalimo 119:156

Wee Mwene ichisa chako chikulu nkani, mpanga ubumi ukuyana nu bwanaloli bwako.

Masalimo 119:25

Indi lambalala palufumbi, po ubusungililaye ubumi, ukuyana nizyu lyako.

Masalimo 119:40

Amalamulo ghako nkughasamba nkani, po umpe ubumi pachifukwa ichakuti we mugholosu.

Masalimo 119:88

Ubusungaye ubumi bwane, ukuyana nu lughano lwako, po inti nivwilaye amalamulo ghako.

Masalimo 51:1

Wee Chala, umpelelaye ichisa, pachifukwa icha lughano lwako lulo lutakupotwapo nalumolumo. Zimya ukunanga kwane, pachifukwa icha chililizi chako.

Masalimo 55:2

Unteghelezyanje sona unyamule, pakuti umoyo wane ukuyimba nkani pachifukwa icha ntamyo zizyo nkukomana nazyo.

Masalimo 64:1

Wee Chala wane ivwa izyu lyane bo nkukulambilizya, poka ubumi bwane munyobe izya balwani.

Masalimo 69:16

Wee Mwene unyamule, pakuti we mwiza, sona we walughano. Unyavwe pakuti ichisa chako chikulu nkani.

Yesaya 63:7

Nkwiza pakuchinenagha ichisa icha Mwene, nkwiza pakumupala pambombo zizyo abomba, ukuyana nazizyo atubombela, ivintu ivyinji ivyiza, ababombela aba Izilayeli, ukuyana ni chililizi chache, sona ni chisa chache ichikulu.