Masalimo 119:144 - IBAYIBOLO 2024

¹⁴⁴ Indaghilo zyako ngolosu bwila na bwila, umpanje amahala ukuti imbanje nubumi.

Masalimo 119:144 Iomraidhean Croise

Masalimo 119:138

Amalamulo ghagho watupa magholosu sona masubiliwa.

Masalimo 119:151

Wee Mwene, loli awe uli papipi, sona ghope amalamulo ghako ghanaloli.

Masalimo 119:152

Namanya ukuti ukwanda kale, ukazyikazya indaghilo ukuti zibanjeko bwila na bwila.

Masalimo 119:169

Wee Mwene, ukulila kwane kufike pamaso papako. Mpanga amahala aghakivwisizye, ukuyana nizyu lyako lilalila.

Masalimo 119:17

Umbombelaye ivyiza ne mubombi wako umwakuti imbanje nubumi, nukulyivwila izyu lyako.

Masalimo 119:34

Umpe akivwisizye aka lulaghilo lwako, po nkwiza pakulusunga, sona nkwiza pakulikonka nu moyo wane ghosi.

Masalimo 119:66

Umanyisyanje amahala ghako, sona na kivwisizye akiza, pakuti ingasubiye amalamulo ghako.

Masalimo 119:73

Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 19:9

Ukumunyila u Mwene cho chintu chakufikapo chicho chikubangako bwila. Ubulongi ubwa Mwene busubiliwa po vyosi vigholosu.

Ivyili 10:21

Amazyu agha muntu umugholosu ghakubavwa abinji, loli abapunganu bakufwa pachifukwa ichakuti bate na mahala.

Ivyili 4:4

utata akamanyisya akati, “Ughakakatilaye nkani amazyu ghane mumoyo wako. Sunga amalamulo ghane po ukwiza pakuba nubumi.

Ivyili 7:2

Sunga amalamulo ghane, po ukwiza pakuba nubumi, sungilila ivimanyisyo vyane ngati we mboniboni iya mulyiso lyako.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Daniyeli 12:10

Abantu abinji bakwiza pakuswefyiwa, nukusukiwa sona baswepite, loli abantu ababibi bakwiza pakubanga babibi. Atalipo nayumoyumo umuntu umubibi yuyo akwiza pakwivwisya, loli abantu abamahala bene bo babo bakwiza pakwivwisyanga.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Matayi 13:19

Abantu babo bakwivwa amazyu ghagho ghakunena nizya Bumwene ubwa Kumwanya loli batakwivwisya bayanite bulo ni mbeyu zizyo zikawila muzila. Umubibi yula akwiza nukuzompola vivyo vikapesiwa mumoyo ghabo.

Matayi 5:18

Naloli nkubabuzya ukuti bo kumwanya na pasi vitazimiye nakope akasimbo akanandi pamo akasonga akasimbo kepepo pa Ndaghilo, mupaka vyosi vinivi vikwanilisiwe.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.