Masalimo 119:131 - IBAYIBOLO 2024

¹³¹ Nkwasama umulomo wane nukumilwa, nkughasamba amalamulo ghako.

Masalimo 119:131 Iomraidhean Croise

Yobu 29:23

Bakandindililagha ngati bantu babo bakulindilila ivula, sona bakasama bulo imilomo yabo, ngati bantu babo bakulindilila ivula iya lupepo.

Yobu 7:2

Ngati muzya yuyo akunyonywa akazundila, pamo ngati waganyu yuyo ali pakulindilila amalipilo ghache,

Masalimo 119:162

Nkusekela nizyu lyako, ngati muntu yuyo abwagha ubukabi.

Masalimo 119:174

Wee Mwene, imbusambite nkani ubupoki bwako. Sona nkuhoboka ni ndaghilo zyako.

Masalimo 119:20

Umoyo wane wadedebala pachifukwa ichakuti, nkuzisamba indaghilo zyako akabalilo kosi.

Masalimo 119:40

Amalamulo ghako nkughasamba nkani, po umpe ubumi pachifukwa ichakuti we mugholosu.

Masalimo 42:1

Ngati mumo imbabala yikusambila utusoko utwa mizi, wee Chala wane nane bulo nkukusamba.

Masalimo 81:10

Ane ne Mwene u Chala winyu, yuyo akabefya muchisu icha Ijiputi. Asama nkani amalomo ghinyu, Po nkwiza pakubalyesya.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

1 Pitala 2:2

Mubanje ngati mwe babonda, munyonywanje ulukama ulwenecho, sona ulwabuzimu, umwakuti pakung'wela ulukama ulu mungakula nukupokiwa,