Masalimo 119:124 - IBAYIBOLO 2024

¹²⁴ Mbombela ne mubombi wako, ukuyana nu lughano lwako. Po manyisya indaghilo zyako.

Masalimo 119:124 Iomraidhean Croise

Nehemiya 9:20

Ukabapanga Umuzimu wako umwiza pakubamanyisya, po utakalekapo nalumo pakubapa umana ukuti balyanje sona ukubapanga amizi aghakung'wela.

Masalimo 103:10

Atakutufunda ukuyana ni mbibi zyitu, pamo ukututanizya ukuyana nukunanga kwitu.

Masalimo 119:12

Wee Mwene upaliwanje, umanyisyanje amalamulo ghako.

Masalimo 119:132

Ghalabukila kukwane, po umpelele ichisa, ukuyana namumo ukubabombela abantu, babo balighanite itabwa lyako.

Masalimo 119:26

Bo nazyaghannya imbombo zyane, ukanyamula, polelo manyisya amalamulo ghako.

Masalimo 119:41

Wee Mwene, ulughano lwako lubanje nane, lulo lutakupotwangapo nalumolumo. Umpoke ukuyana namumo ukandayizizya.

Masalimo 119:88

Ubusungaye ubumi bwane, ukuyana nu lughano lwako, po inti nivwilaye amalamulo ghako.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Masalimo 51:1

Wee Chala, umpelelaye ichisa, pachifukwa icha lughano lwako lulo lutakupotwapo nalumolumo. Zimya ukunanga kwane, pachifukwa icha chililizi chako.

Masalimo 69:13

Wee Mwene, loli nkwiputa kukwako, ukuti umpelele ichisa, unyamule pakumpoka pakuti ulughano lwako lukulu.

Masalimo 69:16

Wee Mwene unyamule, pakuti we mwiza, sona we walughano. Unyavwe pakuti ichisa chako chikulu nkani.

Masalimo 79:8

Utakatufundaye pachifukwa icha mbibi izya banyenya bitu, po utupelelaye ichisa lubilolubilo, pakuti twisiwa nkani.

Daniyeli 9:18

Wee Chala, tegha ikutu lyako nukwivwa. Ighula amaso ghako nukwennya ukunanganika ukwa kaya kako kumanyikwe ni Tabwa lyako. Tutakukulambilizya pachifukwa ichakuti twebagholosu awe, loli pachifukwa icha chisa chako ichikulu nkani.

Luka 18:13

Loli umusonkezya sonko akimilila pabutalipo, sona atakalonda ukwennya na kumwanya. Loli akikoma pachifuba nukuti, ‘Wee Chala, umpelele ichisa, ane ne wambibi.’ ”