Masalimo 119:114 - IBAYIBOLO 2024

¹¹⁴ Awe we buzilo bwane ubwakuvwamilamo, sona we ngulu yane, indisubiye izyu lyako.

Masalimo 119:114 Iomraidhean Croise

Masalimo 119:43

Nalamba utakalizompolaye izyu ilyanaloli mumulomo wane, pakuti ingasubiye amalamulo ghako.

Masalimo 119:74

Abantu babo bakukuchindika bahobokaye, bo bakunyennya, pakuti indisubiye izyu lyako.

Masalimo 119:81

Umoyo wane ghukubusamba nkani ubupoki bwako, loli ane indisubiye izyu lyako.

Masalimo 3:3

Loli wee Mwene awe we ngulu yane, we buchindamu bwane, sona we ukughukazya nkani umoyo wane.

Masalimo 3:4

Nkumwitizya u Mwene umwakukolomoka, po akunyamula bo ali pighamba lyache izelu.

Masalimo 32:7

Awe we buzilo bwane ubwakuvwamamo. Ukwiza pakumpoka muntamyo, sona nukunzyungulila ninyimbo izyakubupala ubupoki bwako.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Yesaya 32:2

Umuntu wesi akwiza pakuba ngati buzilo ubwa kuvwamamo kumpepo, nu buzilo ubwa kuponelamo kuvula, ngati tusoko utwa mizi munkolongo, numuzyezye uwa ilyalabwe ikulu nkani muchisu ichumizu.