Masalimo 119:10 - IBAYIBOLO 2024

¹⁰ Nkukulondelezya nu moyo wane ghosi, po utakitikizyanje ukuti impotwe pakuzikonka indaghilo zyako.

Masalimo 119:10 Iomraidhean Croise

2 Imbili 15:15

Abantu bosi aba mu Yuda bakahoboka ni chilapo chila pachifukwa ichakuti bakalapa na moyo ghabo ghosi. Bakiyipa pakumulondelezya u Chala, po bakamwagha. U Mwene akabapa umutende kumbazu zyosi.

Masalimo 119:118

Ukubapa inkonto bosi babo bakughasulannya amalamulo ghako, pakuti bazimbuli.

Masalimo 119:133

Undongozye akendele kane, ukuyana nizyu lyako, utakitikizyanje ukuti imbibi yindamulaye.

Masalimo 119:176

Napulumpa ngati yo ng'ozi iyakusobela, ndondelezya ne mubombi wako, pakuti intaghaluvizye amalamulo ghako.

Masalimo 119:2

Basayiwa babo bakughasunga amalamulo ghache, nukumulondelezya na moyo ghabo ghosi.

Masalimo 119:21

Abantu abakwitutumula ukubachemela, kokuti babo baghuniwe, sona babo bakwepako ku malamulo ghako.

Masalimo 119:34

Umpe akivwisizye aka lulaghilo lwako, po nkwiza pakulusunga, sona nkwiza pakulikonka nu moyo wane ghosi.

Masalimo 119:58

Nu moyo wane ghosi, nkulaba ukuti umpelelaye ichisa ukuyana ni layizyo lyako.

Masalimo 119:69

Napapo abantu abamyasi bakuyinanga imbili yane, pope bulo nkughasunga amalamulo ghako nu moyo wane ghosi.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 23:3

Akumpa sona amaka. Akundongozezya muzila ingolosu, pachifukwa icha buchindamu bwache.

Masalimo 78:37

Amoyo ghabo ghatakaba masubiliwa kukwache, batakasunga ulufingo lwache.

Ivyili 2:13

Bakuzileka izila ingolosu loli bakwenda muchisi.

Ivyili 21:16

Umuntu yuyo akuyisulannya izila iya muntu uwamahala, akwinjila mukabukatila aka bantu abafwe.

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Yelemiya 3:10

Napapo zikabombiwa zyosi zinizi, u muyemba wache umusita kusubiliwa u Yuda atakanyokela kukwane nu moyo wache ghosi, loli akabomba nu moyo uwabuzimbuli. Ane ne Mwene nanena.”

Ezekiyeli 34:6

Ing'ozi zyane zikendakendagha mumaghamba ghosi na mutumaghamba tosi ututali. Zikanyampana pachisu chosi ichapasi, sona atakabapo nayumo umuntu uwakuzilonda.

Hoseya 10:2

Amoyo ghabo mazimbuli, po bafundiwanje pachifukwa icha mbibi zyabo. U Mwene akwiza pakuvimongolannya ivighemo vyabo, nukuvinangannya ivikumbusyo vyabo ivya mabwe amapaghuliwa.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Aba Kolosi 3:22

Mwe bazya, mwivwilaye abamwene binyu aba muchisu ichapasi muvintu vyosi. Mutakabivwilaye bulo pene papo bali pakubenelezya pambombo ukuti babapale, loli mubivwilaye na moyo ghinyu ghosi, pachifukwa icha kumuchindika u Mwene.

1 Yohani 2:15

Mutakachighanaye ichisu ichapasi, pamo ichintu chosi chicho cha muchisu ichapasi. Nanti muchighanite ichisu ichapasi, kokuti mutamughanite u Tata.

1 Samuweli 7:3

U Samuweli akababuzya aba Izilayeli bosi akati, “Nanti mukulonda pakunyokela kwa Mwene nu moyo winyu ghosi, mubefye abachala abayeni, ni vifwani ivya Ashitoleti. Mumubombelaye u Mwene nu moyo winyu ghosi, po akwiza pakubapoka munyobe izya ba Filisiti.”