Masalimo 119:1 - IBAYIBOLO 2024

¹ Basayiwa babo inkalo yabo yite ni chilema nachimochimo, babo bakwenda ukuyana nu lulaghilo ulwa Mwene.

Masalimo 119:1 Iomraidhean Croise

2 Samuweli 22:22

Pakuti nazikonkagha indaghilo izya Mwene, sona ntabombitepo nayimo imbibi nukumukana u Chala wane.

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 1:8

Po u Mwene akamulalusya u Satana akati, “Nkimba wamwennyapo umubombi wane u Yobu? Pachisu ichapasi patalipo nayumoyumo umuntu uwakuyana nawe. U Yobu ate nakalema nakamokamo sona we mugholosu, yuyo akunyila ane ne Chala, nukuzinyila imbibi.”

Masalimo 101:2

Nkwiza pakwenda muzila zizyo zite ni chilema nachimochimo, nkimba ukwiza liyi kukwane? Nkwiza pakuba nu moyo uwakufikapo munyumba yane.

Masalimo 101:6

Nkwiza pakuba ni chisa na bantu abasubiliwa muchisu, umwakuti bikalaye poka nane. Wesi yuyo akwikala ubumi bubo bute ni chilema nachimochimo, akwiza pakumbombela.

Masalimo 112:1

Mumupalaye u Mwene. Musayiwa umuntu yuyo akumuchindika u Mwene, yuyo akuhoboka nkani pakughakonka amalamulo ghache.

Masalimo 128:1

Basayiwa babo bakumuchindika u Mwene, babo bakughakonka amalamulo ghache.

Ivyili 11:20

U Mwene ababengite abantu aba moyo amabibi, loli akuhobokagha na babo bali ni nkalo inyiza.

Ivyili 13:6

Ubwanaloli bukumupokagha umuntu umwiza, loli ububibi bukumunanga umuntu uwa mbibi.

Ivyili 29:18

Kuko kutaliko ubuvumbuli abantu bakuvulungana, loli musayiwa umuntu yuyo akuzikonka indaghilo.

Ezekiyeli 11:20

Po bakwiza pakusunga indaghilo zyane nukughivwila akiza amalamulo ghane. Bakwiza pakuba bantu bane sona nkwiza pakuba ne Chala wabo.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Luka 11:28

Loli u Yesu akamula akati, “Awe, basayiwa babo bakwivwa amazyu agha Chala nukughivwila.”

Yohani 1:47

Bo u Yesu amwennya u Nataniyele akwiza akati, “Uyu we muntu uwa Izilayeli naloli. Mumwache butalimo nabumobumo ubumyasi!”

Yohani 13:17

Pakuti ilelo muzimenye zinizi, mwe basayiwa nanti mukuzibomba.

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.