Masalimo 118:27 - IBAYIBOLO 2024

²⁷ U Mwene we Chala, sona atupiye ulukozyo. Anda pakusekela bo munyamuye isamba nukuchizyungulila ichighemo.

Masalimo 118:27 Iomraidhean Croise

1 Abamwene 18:21

U Eliya akimilila pantazi pabantu bala nukubalalusya ukuti, “Nkimba mukwiza pakwilamwa mupaka liyi? Nanti u Mwene we Chala, mumubombelaye. Loli nanti u Baala we Chala, mumubombelaye.” Abantu bala batakamulapo nachimochimo.

1 Abamwene 18:39

Bo abantu bosi bennya zinizi bakafughama, bo ivyeni vyabo vikotamiye pasi nukulila ukuti, “U Mwene we Chala! U Mwene we Chala!”

1 Imbili 29:21

Indabi yache bakabika ivyakwiyipa kwa Mwene nukubika ivyakwiyipa ivyakocha inkambaku 1,000 na badubi 1,000 sona na bana abang'ozi 1,000 poka ni chakwiyipa icha vinyo sona ni vyakwiyipa ivinji ukuti vibanje vya Izilayeli.

Esitele 8:16

Pakuti kakaba kabalilo akakuhoboka na kakusekela aka ba Yuda, po bakalya nukusekela nkani.

Masalimo 18:28

Wee Mwene wewe ukuyipela inyale ukuti yakaye, u Chala wane akuchipela ichisi chane pakuba lukozyo.

Masalimo 37:6

Akwiza pakubupela ubugholosu bwako pakulama ngati ko kubuche, sona ubwanaloli bwako bukwiza ngati gho musanya.

Ukufuma 27:2

Upange impembe pamwanya pankuto zyache zyosi folo, umwakuti impembe zila zimamatiziwe kuchighemo pakuba chintu choka, sona uchipake nu mukuba.

Ukufuma 38:2

Bakapanga impembe pamwanya pankuto zyache zyosi folo umwakuti impembe zila zimamatiziwe kuchighemo pakuba chintu choka sona bakachipaka nu mukuba.

Yesaya 60:1

Nyamuka Yelusalemu, ulamaye ngati lizuba, ubuchindamu ubwa Mwene bukukulamila awe.

Yesaya 9:2

Abantu babo bakwenda muchisi, bennya ulukozyo ulukulu; Abantu babo bakwikala muchisu icha bantu abafwe, ulukozyo lwabalamila.

Mika 7:9

Pachifukwa ichakuti imunangiye u Mwene, nkwiza pakujimba kubukali bwache mupaka alonge inongwa yane nukuyidumula. Akwiza pakunyinjizya mulukozyo, po nkwiza pakubwennya ubugholosu bwache.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Yohani 8:12

U Yesu akanena sona naba Falisayi akati, “Ane ne lukozyo ulwa chisu ichapasi. Umuntu wesi yuyo akunkonka akwiza pakuba nulukozyo ulwa bumi, po atakwiza pakwendamo nalumolumo muchisi.”

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.