Masalimo 118:17 - IBAYIBOLO 2024

¹⁷ Ntakwiza pakufwa, loli nkwiza pakuba mumi, po nkwiza pakuzilumbilila zizyo u Mwene abomba.

Masalimo 118:17 Iomraidhean Croise

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 119:13

Nkuzitambula indaghilo zyako zyosi, zizyo wazinena nu mulomo wako.

Masalimo 145:4

Inkulilo yoka yikwiza pakuyibuzya inkulilo iyinji, sona bakwiza pakufumusya imbombo zyako izyamaka.

Masalimo 40:10

Ntaghuvinditepo umoyo wane ukuti we mugholosu, loli nabafumuzizya abinji nizya busubiliwa nu bupoki bwako. Intakaluvindapo pakunena nizya lughano lwako nu bwanaloli, pakasi palukomano ulukulu nkani.

Masalimo 40:5

Wee Mwene Chala wane, watubombela ivintu ivyinji nkani, Atalipo nayumoyumo umuntu uwakuyana nawe! Watubatikila ivintu ivyinji nkani ivyakuswighisya. Nanti nkavinenagha nukuvivumbula, ngali vyaba vyinji nkani pakuvitambula.

Masalimo 6:5

Pakuti nanti umuntu afwa atakukukumbukagha. Nkimba wewenu yuyo angakupala bo ali mwipumpa?

Masalimo 73:28

Loli kukwane chiza ukuti mbanje papipi nu Chala, nakusala we Mwene Uwamaka Ghosi ukuti ubanje we buzilo bwane ubwakuvwamamo, sona nkwiza pakubapangila abanji nizya mbombo zyako zyosi.

Yelemiya 51:10

U Mwene atubombela ubugholosu aswe, po zagha tufumusye mu Ziyoni, zizyo u Mwene u Chala witu atubombela.’

Habakuku 1:12

Wee Mwene, Chala wane Nkimba te wewe we uliko bwila na bwila? Wee Chala wane, we Muzelu wane, tutakwiza pakufwa. Wee Mwene, we wabasala ukuti batulongaye inongwa, wee lyalabwe lyane, sona wewe wabimika ukuti batufundaye.

Yohani 11:4

Bo u Yesu ivwa zinizi akati, “Ububine ubu bute bwakuti angafwa nabo, loli bwakuti u Chala achindikiliwemo, sona ukuti u Mwana uwa Chala apokele ubuchindamu pachifukwa icha bubine bunubu.”