Masalimo 116:8 - IBAYIBOLO 2024

⁸ U Mwene ukabupoka ubumi bwane kubufwe, sona amaso ghane kumasozi, inyayo zyane zyope zitakipunula,

Masalimo 116:8 Iomraidhean Croise

Masalimo 37:24

Napapo angipunula, atakwiza pakuwa pakuti u Mwene akumulema ni nyobe yache.

Masalimo 49:15

Loli u Chala akwiza pakubutabula ubumi bwane mwipumpa, pakuti akwiza pakumpokela.

Masalimo 56:13

Pakuti ukampoka ukuti indeke pakufwa, sona ukazipoka inyayo zyane ukuti zitakatyelemuke, umwakuti nendaye pamaso pa Chala mulukozyo ulwa bumi.

Masalimo 86:13

Pakuti ulughano lwako papane lukulu nkani. Waghupoka umuzimu wane kubuzilo ubwibizu ubwa bafwe.

Masalimo 94:18

Bo nkwinong'ona ukuti ulwayo lwane lukutyelemuka, wee Mwene ulughano lwako lukanyavwa

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 38:5

“Buka umubuzye u Hezekiya ukuti u Mwene, u Chala uwa munyenya wako u Devedi akuti, ‘Nivwa ulwiputo lwako sona naghennya amasozi ghako, nkwiza pakukonjelezya amaka 15 mubumi bwako.

Ubuvumbuli 21:4

Akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu ivyakale vyazyebeluka.”

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”

Abalongi 1:24

bakamwennya umuntu yumo akwepamo mukaya akakulu nkani kala, po bakamubuzya bakati, “Tulanjizyeko izila iyakwinjilila mukaya akakulu nkani kanaka, aswe tukwiza pakukupelela ichisa.”