Masalimo 116:5 - IBAYIBOLO 2024

⁵ U Mwene wachisa, sona mugholosu, u Chala witu wachililizi.

Masalimo 116:5 Iomraidhean Croise

Ezila 9:15

Wee Mwene, u Chala uwa Izilayeli, we mugholusu. Watwitikizya ukuti ilelo tusyale bumi. Ennya tuli pamaso papako aswe twe bantu ababibi, napapo nayumoyumo pakasi papitu angimilila pamaso papako.”

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Nehemiya 9:31

Loli pachifukwa icha chisa chako ichikulu utakabazimizya abantu bako pamo ukubaleka, pakuti we Chala uwachisa sona uwachililizi.

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Nehemiya 9:8

U Abulahamu akaba muntu umusubiliwa pamaso papako, umwakuti ukafingana nawe pakubapa abaluko lwache ichisu icha ba Kenani nicha ba Hiti nicha ba Amoli nicha ba Pelezi nicha ba Yebusi sona nicha ba Giligashi. Awe ukabomba zizyo ukabalayizya pachifukwa ichakuti we mugholosu.

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 112:4

Napapo mungaba mo muchisi ulukozyo lukumwizila, pachifukwa ichakuti wachisa, wachililizi sona nu mugholosu.

Masalimo 115:1

Wee Mwene, te sweswe awe, loli itabwa lyako lichindikiwanje, pachifukwa ichakuti ulughano nu busubiliwa vyako.

Masalimo 119:137

Wee Mwene, we mugholosu, ghope amalamulo ghako magholosu.

Masalimo 145:17

U Mwene mugholosu mumbombo zyache zyosi, po avighanite ivintu vyosi vivyo akavipela.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Yesaya 45:21

Mwizaye sona lingannya inongwa yinyu pabulonjelo, baleka abanongwa banenezannye. Nkimba wewenu yuyo akanenela zila, zinizi pakubombiwa? Nkimba intakaba nene, ne Mwene, u Chala yuyo akupoka abantu bache? Atalipo u chala uyunji.

Yelemiya 12:1

Wee Mwene umugholosu, nalondagha pakususannya nawe. Nkimba choni chicho ababibi bakwendelelagha pakuba bakabi? Nkimba choni chicho ivintu vikubendelagha akiza abazimbuli?

Daniyeli 9:14

U Mwene atakazyelapo pakutuwisizya intamyo, pakuti u Mwene u Chala witu we mugholosu muvintu vyosi vivyo akubomba, loli pope bulo tutakamwivwila.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Aba Efeso 2:4

Loli u Chala, yuyo wachisa nkani, akatughana nu lughano lwache lulo lukulu nkani,

1 Timoti 1:14

U Mwene akampungulila ichisa ichikulu nkani nukumpa ulwitiko nu lughano vivyo tuli navyo pakumamatilana poka nu Kilisitu u Yesu.

1 Yohani 1:9

Loli nanti tukwitika imbibi zyitu, u Chala umwenecho yuyo musubiliwa sona mugholosu, akwiza pakutuhobokela imbibi zyitu. Akwiza pakutuswefya ububibi bwitu bosi bubo tukubomba.