10 Nkasubila polelo nkati, “Nkuyimba nkani.”
Ukaboni umumyasi akwiza pakuzimila, loli umuntu wesi yuyo akumuteghelezya akwiza pakunanganika bwila na bwila.
Amasimbo ghakuti, “Nkasubila polelo nkati.” Pakuti tuli nu moyo uwa lwitiko ghulaghula, cho chifukwa naswe bulo tukunena.
Ulwitiko ko kusita ukwilamwa pachintu chicho tukuchisubila, sona ko kuba nu lusimikizyo pavintu vivyo tutakuvyennya na maso.
Pakuti aswe tutakakonkagha utupangwi, bo tukumanyisya nizyamaka nukwiza sona ukwa Mwene witu u Yesu Kilisitu, loli tukabwennya bukulu bwache na maso ghitu na ghitu.
Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.
