Masalimo 115:12 - IBAYIBOLO 2024

¹² U Mwene akutukumbuka, sona akwiza pakutusaya. Akwiza pakubasaya abamunyumba iya Izilayeli, sona akwiza pakubasaya abaluko ulwa Aloni.

Masalimo 115:12 Iomraidhean Croise

Ubwandilo 8:1

Loli u Chala akamukumbuka u Nowa poka ni vitekwa ni vinyamana vyosi ivyamuzi vivyo akaba navyo mubwato mulamula. Po akalamula ukuti impepo yande pakukuka, panapo na panapo amizi ghala ghakanda pakupwa.

Masalimo 135:19

Wee nyumba iya Izilayeli, mupalaye u Mwene. Wee mbumba iya Aloni, mupalaye u Mwene.

Masalimo 136:23

Akatukumbuka bo twe badedebazu. Ulughano lwache lwa bwila na bwila.

Masalimo 25:7

Wee Mwene, utakazikumbukaye imbibi zizyo nkabomba bo indi mulumendo, sona utakakukumbukaye ukunanga kwane. Nkumbukaye mulughano lwako lulo lutakupotwa nalumolumo pakuti we mwiza.

Masalimo 67:7

U Chala akwiza pakutusaya, sona abantu bosi aba kubumalilo ubwa chisu ichipasi bakwiza pakumunyila.

Yesaya 44:21

U Mwene akuti, “Wee Yakobo, kumbuka ivintu ivi, wee Izilayeli kumbuka, ukuti we mubombi wane. Nkakupela pakuba we mubombi wane, intenkakuluvye nalumolumo.

Ukubelengiwa 6:27

Po u Mwene akati, “Nanti u Aloni na bana bache bakulitambula itabwa lyane pakubasaya aba Izilayeli, po ane nkwiza pakubasaya.”

Imbombo 10:4

Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?” Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina.

Imbombo 3:26

Po u Chala akasala umubombi wache nukumutuma tasi kukwinyu, pakubasaya amwe ukuti umuntu wesi apinduke kuzila zyache izya bubibi.”

Aba Galatiya 3:14

Akatwabula aswe ukuti ulusayo lulo lukapeghiwa kwa Abulahamu lungiza pabantu babo bate ba Yuda ukwendela mwa Kilisitu u Yesu, umwakuti ukwendela mu lwitiko tungapokela u Muzimu Umuzelu yuyo akalayiziwa nu Chala.

Aba Galatiya 3:29

Nanti mwe bantu aba Kilisitu, kokuti mwe baluko ulwa Abulahamu, sona mubaghiye pakupokela ichilingo chicho u Chala akalayizya.

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.