Masalimo 114:2 - IBAYIBOLO 2024

² u Yuda akanduka pakuba Buzilo Ubuzelu ubwa Chala, po u Izilayeli akanduka pakuba bumwene bwache.

Masalimo 114:2 Iomraidhean Croise

Ukufuma 15:17

Ukubinjizya nukubikazya pighamba lyako, ubuzilo bubo awe we Mwene ubusalite pakuba buzilo bwako, Ubuzilo Ubuzelu bubo awe ukabuzenga.

Ukufuma 25:8

“Abantu banzengele Ubuzilo Ubuzelu, umwakuti ane nikalaye pakasi papabo.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Aba Levi 11:45

Ane ne Mwene, nene nkabefyamo mu Ijiputi, umwakuti imbanje ne Chala winyu. Mubanje mwe bantu bazelu, pakuti ane ne Muzelu.

Ukukumbusya Amalamulo 23:14

Muvisakasa vyinyu mutabanje ubunyazu, pachifukwa ichakuti u Mwene u Chala winyu, akwendakwenda pakasi pa visakasa vyinyu, ukuti abapoke munyobe izya balwani binyu. Ivisakasa vyinyu vibanje viswepu, umwakuti atakabwennyemo nabumobumo ubunyazu, bubo bungamupela u Mwene ukuti epepo pakasi papinyu.

Ukukumbusya Amalamulo 27:12

Bo mwaloboka ulusoko ulwa Yolodani, uluko ulwa Simiyoni nulwa Levi nulwa Yuda nulwa Isakala nulwa Yosefu sona nulwa Benjamini lubasaye abantu, bo abene bali pighamba ilya Gelizimu.

Ukukumbusya Amalamulo 27:9

Po u Mozesi poka na baputi, babo ba Levi bababuzye aba Izilayeli ukuti, “Mwee ba Izilayeli, banga myee, sona ivwa kuno! Ilelo mwaba mwe bantu aba Mwene u Chala winyu.

Ukukumbusya Amalamulo 7:6

Pakuti amwe mwe bantu abache na bache aba Mwene u Chala winyu. U Mwene akabasala amwe pakasi pabantu bosi aba muchisu ichapasi ukuti mubanje bantu bache.

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.