Masalimo 113:9 - IBAYIBOLO 2024

⁹ Umukolo umughumba akumupa impapo, po akumupela pakuba we nyina uwakuhoboka nkani uwa bana bache. Mumupalaye u Mwene.

Masalimo 113:9 Iomraidhean Croise

Ubwandilo 25:21

Pachifukwa ichakuti u Labeka umuchi uwa Yisaki akaba mughumba, u Yisaki akamwiputila kwa Mwene. U Mwene akivwa inyiputo zyache, po u Labeka akamela ulwanda.

2 Abamwene 4:17

Loli bo ghachilapo amezi amanandi bulo, umukolo yula akamela ulwanda, sona akapapa umwana umulumendo ngati mumo u Elisha akamubuzizya.

Masalimo 68:6

U Chala akubapa babo bali bene bulo ubuzilo ubwakwikalapo, sona akubefya abakayidi mujele nukubapa umutende. Loli abantu abakusambuka akubachimbizizya kuchisu ichumizu.

Yesaya 54:1

U Mwene akuti, “We mukolo umughumba imbagha, we utapapitepo nalumo umwana, kolomokagha pakwimba sona usekelaye, we utivuyepo nalumo ububavu pakusayiwa, pachifukwa ichakuti abana abinji abamukolo yuyo akwikala mwene na mwene, ukuchila umukolo yuyo ali nu mulume wache.

Ukubelengiwa 5:28

Loli nanti umukolo yula atinyazizyepo mwene, sona nukuti ate ninongwa nayimoyimo, akupimiwa pakuba musita nongwa, po akwiza pakupapagha abana.

Aba Galatiya 4:27

Pakuti Amasimbo ghakuti, Hobokagha, we mukolo umughumba, we utakupapa, kolomoka nkani nukululutila mubuhobosu nkani awe we utakivwapo ububavu ubwakusayiwa. Pakuti abana aba mukolo yuyo bamuvwituka akwiza pakuba na bana abinji, ukuchila yuyo ali nu mulume.

1 Samuweli 2:5

Abantu babo kale bakikuta ilelo bakulaba ichakulya. Loli babo bakaba nizala, ilelo bakwikuta. Umukolo yuyo akaba mughumba, ilelo apapa abana seveni. Loli umukolo yuyo akapapa abana abinji, ilelo asyala bulo mwene.