Masalimo 112:9 - IBAYIBOLO 2024

⁹ Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 112:9 Iomraidhean Croise

Masalimo 111:3

Imbombo zyache zyabuchindamu, ubugholosu bwache ubwa bwila na bwila.

Masalimo 112:3

Ubukabi ni chuma vili munyumba yache, sona ubugholosu bwache ubwa bwila na bwila.

Masalimo 75:10

Nkwiza pakuzidumula impembe izya bantu bosi ababibi, loli nkwiza pakuzikwezya impembe izya bantu abagholosu.

Masalimo 92:10

Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Masalimo 92:11

Amaso ghane ghennya ukupotwa ukwa balwani bane, nivwa nukwivwa na makutu ghane ukulila ukwa balwani bane.

Ivyili 14:24

Ubukabi ubwa muntu uwamahala yo mpumpu yache, loli umupunganu akumanyikwa nu bupunganu bwache.

Ivyili 19:17

Umuntu yuyo akumupelela ichisa umupina akumwazimya u Mwene sona akwiza pakumupa umuvwalo ukuyana ni mbombo zyache inyiza.

Ivyili 21:26

Umuntu umukata akuvinyonnya ivintu musanya ghosi, loli umugholosu akupa umwakusita ukumamamilizya.

Umulumbilili 11:6

Pesa imbeyu zyako pandabindabi, sona pachamabwila utakalepekaye inyobe. Pakuti utayimenye yiyo yingakula akiza, pamo yo iyi pamo yo yila, pamo zyosi zikwiza pakukula akiza bulo.

Umulumbilili 3:6

Pali akabalilo akakulondela, na kabalilo akakutaghila. Pali akabalilo akakusungila na kabalilo akakusumbila.

Yesaya 32:8

Loli umuntu umuchindamu akwinong'ona ivyiza vyene, akubatika ivyiza.

Yesaya 58:10

nanti mukubapa ivyakulya babo bali nizala, nukubavwa babo bakuyiviwa, po ulukozyo lukwiza pakulamila muchisi, sona ubusiku bwinyu bukwiza pakuba ngati musanya.

Yesaya 58:7

Nkimba te kugabana ichakulya nababo bali nizala, nukubasendela kunyumba yako babo bakwendenda bulo, nukubavwika babo bate namenda, nukubavwa abakamu bako?

Matayi 6:4

Po vivyo mwabomba vikwiza pakuba vya kubusyefu. Ughuso yuyo akwennya izyakubusyefu akwiza pakubapa umuvwalo.

Maliko 14:7

Akabalilo kosi muli nabo abapina, sona akabalilo kosi kako mukulonda, mungabavwa. Loli mute mubanje nane akabalilo kosi.

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

Luka 16:9

Po u Yesu akendelela pakunena ukuti, “Nkubabuzya ukuti mwiyaghile mwebene abamanyani pakubombezya ivintu ivya muchisu ichapasi, umwakuti bo chamala, mukwiza pakupokeliwa munyumba iya bwila na bwila.

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Yohani 13:29

Pakuti u Yudasi weyuyo akasungagha inyambi iya ndalama, abamanyili bamo bakinong'onagha ukuti u Yesu akumutuma pakughula ivyakulondiwa palusekelo, pamo pakubapa ivintu abapina.

Imbombo 20:35

Muvintu vyosi nabalanjizya ukuti pakubomba nkani imbombo bunubu, tubaghiye pakubavwa abadedebazu. Mukumbukaye amazyu ghagho u Mwene u Yesu akanena ukuti, ‘Ukupa kukumusaya umuntu nukuchila ukupokela bulo.’ ”

Imbombo 4:35

Po indalama zila bakagabila abatumiwa ukuyana namumo umuntu akasobeliwanga.

Aba Loma 12:13

Vivyo muli navyo mugabanaye na bakilisitu abamwinyu babo bakusobelwa. Mubapokelaye abayeni munyumba zyinyu.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Ukukumbusya Amalamulo 15:11

Akabalilo kosi kukwiza pakuba aba Izilayeli bamo babo bapina, sona bapotwe muchisu chinyu, po ane nkubalamula ukuti mubapelele ichisa abantu banaba.

Ukukumbusya Amalamulo 15:14

Mubapanje bulo mubwabuke vimo ivintu vivyo u Mwene u Chala winyu abasayite navyo ngati ivi: Ing'ozi ni ngano sona nu vinyo.

Ukukumbusya Amalamulo 24:13

Umunyosezye bo ni zuba lichili pakwinjila, umwakuti ivwinke pabusiku. Bunubu umuntu yula akwiza pakukupalizya, po u Mwene u Chala akwiza pakuhoboka nawe.

1 Timoti 6:18

Ubabuzye ukuti babombaye imbombo inyiza, nukuba bakabi mumbombo inyiza, nukusita pakuba bamama, sona nukwiyannya pakugabana ivintu vyabo na bantu abanji.

Aba Hebeli 13:16

Mutakaluvyanje pakubombela ubwiza nukugabana vivyo muli navyo, pakuti ivi vyo vyakwiyipa vyitu vivyo vikumuhobosya u Chala.

Aba Hebeli 6:10

U Chala mugholosu, sona atakwiza pakuluvya imbombo zyinyu nu lughano lulo mwamulanjizya bo mukubavwa abantu bache, sona mwendelela pakubavwa.

Ubuvumbuli 22:11

Umuntu wesi yuyo akubomba ububibi, endelele pakubomba ububibi bwache. Umuntu wesi yuyo munyazu, endelele pakuba munyazu. Umuntu wesi yuyo mugholosu, endelele pakuba mugholosu, sona umuntu wesi yuyo muzelu, endelele pakuba muzelu.”

1 Samuweli 2:1

U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.