Masalimo 112:3 - IBAYIBOLO 2024

³ Ubukabi ni chuma vili munyumba yache, sona ubugholosu bwache ubwa bwila na bwila.

Masalimo 112:3 Iomraidhean Croise

Yobu 5:24

Ukwiza pakumanya ukuti akaya kako kali nu mutende, sona nanti uli pakuzibelenga ing'ozi zyako, ukwiza pakwagha ukuti nayimoyimo yisobelitepo.

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 111:3

Imbombo zyache zyabuchindamu, ubugholosu bwache ubwa bwila na bwila.

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 34:10

Na bana aba nkalamu bope bakusobelwa ichakulya, loli babo bakumulondelezya u Mwene batakusobelwapo ivintu ivyiza.

Masalimo 34:11

Mwee bana bane, zagha munteghelezyanje, po nkwiza pakubamanyisya pakumunyila u Mwene.

Ivyili 15:6

Munyumba iya muntu umugholosu mukubangamo ubukabi ubwinji nkani, loli ubukabi ubwa muntu umubibi bukumwisizya intamyo.

Ivyili 21:20

Munyumba iya muntu uwamahala mukubangamo ubukabi, loli umupunganu akubunangannya bulo.

Ivyili 3:16

Ni nyobe yache indilo akupa ubumi ubutali, ni nyobe yache iyamongo akupa ubukabi nu muchizi.

Yesaya 32:17

Ivikomwa ivya bugholosu vikwiza pakuba mutende, ivikomwa ivya bugholosu ko kwikala umwa myee nukufwasa bwila na bwila.

Yesaya 33:6

Akwiza pakuba lwalo ulwa naloli mutubalilo twako, akwiza pakubapoka nukubapa amahala nu bumanyi, ukumunyila u Mwene bo bukabi bwako.

Yesaya 51:8

Pakuti impezu zikwiza pakubadobolannya ngati po menda, uluswa lukwiza pakubanangannya ngati po meya. Loli ubugholosu bwane bukwiza pakubangako bwila na bwila, ubupoki bwane bukwiza pakwendelela inkulilo ni nkulilo.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.