Masalimo 112:10 - IBAYIBOLO 2024

¹⁰ Umuntu umubibi akwiza pakuzyennya zinizi, po bakwiza pakukalala nkani. Akwiza pakusyeketula amino nukuzimila, sona ivintu vivyo akuvinyonywa vitakwiza pakubombiwa.

Masalimo 112:10 Iomraidhean Croise

Nehemiya 2:10

Loli bo u Sanibalati uwamu Holoni nu Tobiya umu Amoni bivwa zinizi, batakahoboka pakwennya ukuti umuntu yumo izite pakubabombela aba Izilayeli ivintu ivyiza.

Yobu 20:7

akwiza pakuzimila bwila na bwila ngati sakwi yache, bosi babo bamwenizye bakwiza pakulalusya ukuti, “Nkimba ali ko kwiyi?”

Yobu 8:13

Ubu bo bumalilo ubwa bosi babo bakumuluvya u Chala, sona ulusubilo ulwa bantu babo batakumunyila u Chala lukwiza pakumala.

Masalimo 37:12

Ababibi bakubatika pakubabombela abagholosu ivintu ivibibi, sona bakubamemenela amino.

Masalimo 86:17

Undanjizye ichimanyilo icha bwiza bwako, umwakuti abantu babo bambengite bennye, nukukoziwa isoni, pachifukwa ichakuti awe we Mwene wanyavwa, nukunsangalusya.

Ivyili 10:28

Ulusubilo ulwa bagholosu lukupelagha ubuhobosu, loli ulusubilo ulwa bantu ababibi lukuzimila bulo.

Ivyili 11:7

Nanti umuntu umubibi afwa, ulusubilo lwache lukumalila palapala, sona vyosi vivyo avisubilagha mumaka ghache vikuba mintu yabulo.

Matayi 22:13

Po u mwene akababuzya abambombo akati, ‘Mumupinye inyobe ni vinama nukumusumbila kuzi muchisi, kuko akwiza pakulilagha nukusyeketula amino ghache.’ ”

Matayi 8:12

Abantu babo bakwinong'ona ukuti bakwiza pakwinjila mu Bumwene ubwa Kumwanya bakwiza pakusumbiwa kuzi muchisi. Kulakula bakwiza pakulila nukusyeketula amino ghabo.”

Luka 13:28

Mukwiza pakulila nukusyeketula amino bo mukumwennya u Abulahamu nu Yisaki nu Yakobo, sona na balaghuzi bosi mu Bumwene ubwa Chala, bo amwe mukusumbiwa kuzi.