Masalimo 110:1 - IBAYIBOLO 2024

¹ U Mwene akamubuzya u mwene wane akati, “Ikala apa kunyobe yane indilo, mupaka imbabike abalwani bako kusi kunyayo zyako.”

Masalimo 110:1 Iomraidhean Croise

1 Imbili 28:2

U Devedi akimilila nukubabuzya ukuti, “Mwee bakamu bane mwee bantu bane ivwa kuno! Nalondagha pakuzenga inyumba umwakuti Ibokosi ilya Lufingo ilya Mwene likalayemo pakuba chitengo ichakutambalizizyapo inyayo izya Chala sona injanizye kale ivyakuzengela inyumba yilayila.

Masalimo 109:20

Ughu gho ghubanje muvwalo uwa Mwene, ku bantu babo bakumususya, zibawilaye abantu babo bakunena akabibi.

Masalimo 8:1

Wee Mwene, u Mwene witu, itabwa lyako likulu nkani pachisu chosi ichapasi! Ubuchindamu bwako bufikite ko kumwanya.

Masalimo 8:6

Ukamubika pakuba mulaghili uwa mbombo zyosi izya nyobe zyako, nukuvibika vyosi vinivi kusi kunyayo zyache.

Zekaliya 6:13

Weyuyo akwiza pakuzenga Inyumba iya Mwene sona akwiza pakuvwinkiwa nu buchindamu, akwiza pakulaghila bo ikaye pachitengo chache. Akwiza pakubapo sona umuputi papipi ni chitengo icha bumwene. Abantu babili banaba bakwiza pakubomba imbombo nu moyo ghoka.’

Matayi 26:64

U Yesu akamula akati, “Wanena wemwene. Loli nkubabuzya mwebosi ukuti ukwandila pakabalilo aka mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mumabingu.”

Maliko 16:19

Bo u Mwene u Yesu amala pakunena nabo, akasendiwa pakubuka kumwanya nukwikala kunyobe indilo iya Chala.

Luka 22:41

Po akabuka pabutalipo papo ibwe lingafika bo akulisumba. Akafughama nukwiputa.

1 Aba Kolinti 15:25

Pakuti u Kilisitu alaghilaye mupaka papo u Chala ababika abalwani bache kusi kunyayo zyache.

Aba Kolosi 3:1

Pakuti amwe mwazyuka kubufwe poka nu Kilisitu, po bika amoyo ghinyu pavintu ivya kumwanya, kuko u Kilisitu akwikala pachitengo chache kunyobe indilo iya Chala.

Aba Hebeli 1:13

Nayumo uwantumi uwakumwanya yuyo u Chala amubuzizyepo lumo ukuti, “Ikala kunyobe yane indilo, mupaka imbabike abalwani bako kusi kunyayo zyako.”

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Aba Hebeli 8:1

Ifundo iyenecho yiyo tukunena yo iyi: Tuli nawe umuputi usongo yuyo ikaye kunyobe indilo iya chitengo icha buchindamu icha Chala kumwanya.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.