Masalimo 11:7 - IBAYIBOLO 2024

⁷ Pakuti u Mwene we mugholosu, sona abughanite ubwanaloli, Po abagholosu bakwiza pakuchennya icheni chane.

Masalimo 11:7 Iomraidhean Croise

Yobu 36:7

Abagholosu akubenelezya akabalilo kosi. Akubikazya pavitengo ivya bumwene, nukubakwezya bwila na bwila.

Masalimo 146:8

U Mwene akubighula amaso abafwamaso, u Mwene akubakwezya babo bakwipunula, sona abaghanite abagholosu.

Masalimo 17:15

Loli ane nkwiza pakuchennya icheni chako, pakuti inte ninongwa nayimoyimo. Bo nalamusya nkwiza pakuhoboka nkani pakuti nkwiza pakwenannya nawe.

Masalimo 21:6

Naloli wamupanga ulusayo ulwa bwila na bwila, sona umupiye ubuhobosu nu lusekelo pachifukwa ichakuti uli nawe.

Masalimo 33:18

Loli amaso agha Mwene ghali pabantu babo bakumuchindika, kokuti abantu babo bamusubiye, pachifukwa icha lughano lwache, lulo lutakupotwangapo nalumolumo.

Masalimo 33:5

U Mwene abughanite ubugholosu nu bwanaloli, sona ichisu ichapasi chizuye nu lughano lulo lutakupotwanga nalumolumo.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 37:28

Pakuti u Mwene abughanite ubwanaloli, sona atakwiza pakubaleka bene abasubiliwa bache. Bakwiza pakuvighililiwa bwila na bwila, loli abana aba bantu ababibi bakwiza pakuzimila.

Masalimo 42:5

Wee muzimu wane, nkimba choni chicho uli ni chitima? Fwandi choni chicho mukasi mumwane mukutamiwa? Ukwiza pakumulindilila u Chala, pakuti nkwiza pakumupala, Umupoki wane nu Chala wane.

Masalimo 45:7

Ubughanite ubugholosu sona ububengite ububibi. Polelo u Chala wako akupakazya na mafuta agha buhobosu ukubachila abamanyani bako.

Masalimo 45:8

Amenda ghako ghosi ghakununkila na mafuta agha mule, nagha aloyi sona nagha kasiya. Inyumba zyako izya bumwene zizengiwe na mino agha zovu, sona mulamula bakukuhobosya ni vyakwimbila ivya mpote izya chela.

Masalimo 5:12

Wee Mwene, naloli ukubasaya abagholosu, sona ukubavighilila ni ngulu yako.

Masalimo 7:11

U Chala we mulongi umugholosu, we Chala yuyo akubakalalila abantu ababibi isiku ni siku.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Masalimo 99:4

U Mwene wamaka, sona abughanite ubwanaloli, ubwikazizye ubwanaloli. Wabomba ingolosu sona izyanaloli mwa Yakobo.

Ivyili 15:9

U Mwene azibengite imbombo izya muntu umubibi, loli amughanite yuyo akubomba ubwanaloli.

Yesaya 61:8

U Mwene akuti, “Pakuti ane ne Mwene, imbughanite ubwanaloli, imbenganite nubwiba ni mbibi. Mubusubiliwa bwane, nkwiza pakubapa umuvwalo wabo, nukufingana nabo ulufingo ulwa bwila na bwila.

1 Pitala 3:12

Pakuti amaso agha Mwene ghakwenelezya abantu abagholosu, sona amakutu ghache ghakuteghelezya inyiputo zyabo. Loli icheni icha Mwene chitakubalamila abantu ababibi.”

1 Yohani 3:2

Mwee bamanyani bane abaghaniwa, ilelo aswe twe bana aba Chala, loli chichili chitavumbuliwe namumo tukwiza pakubela. Loli bo akwiza, tuzimenye ukuti tukwiza pakuyana nawe, pakuti tukwiza pakumwennya mumo abeleye.

Ubuvumbuli 22:4

Bakwiza pakwennya icheni chache, sona itabwa lyache likwiza pakusimbiwa pa vyeni vyabo.