Masalimo 11:6 - IBAYIBOLO 2024

⁶ Pabantu ababibi akwiza pakubawisizya amazimwa nu sulufule uwakwaka, po impepo iyakocha yikwiza pakuba gho muvwalo wabo.

Masalimo 11:6 Iomraidhean Croise

Ubwandilo 19:24

Po u Mwene akalaghazya amabwe agha moto uwa sulufule mu Sodomu nu Gomola.

Ubwandilo 43:34

U Yosefu akabalamula abambombo bache ukuti bamusendele umuntu wesi ichakulya pitebulo lyache, loli ichakulya icha Benjamini chikaba ka fayivi ubukulu ukuchila abamwabo. Po bakalya nukung'wela poka nu Yosefu umwakuhoboka nkani nawe.

Yobu 18:10

Ulupote luteghiwe pasi mwitope, ichipingo chiteghiwe muzila yache.

Yobu 18:15

Munyumba yache vyosi vyefiwamo, banyafilapo sulufule posi apakwikalapo.

Yobu 20:23

Bo alya nukwikuta, u Chala akwiza pakumufunda nu bukali bwache nukumuwisizya ubukali bwache ngati vula.

Masalimo 105:32

Akabawisizya amabwe mubuzilo ubwa vula, utumesya tukamesya muchisu chosi chila.

Masalimo 16:5

Wee Mwene awe we mpyana yane, sona we lubako lwane lwalusayo, po intazi yane yili munyobe zyako.

Masalimo 18:13

U Mwene akajilimisya kumwanya, sona izyu ilya Uwakumwanya Nkani likivwika.

Masalimo 32:10

Intamyo inkulu nkani zikubawilagha abantu ababibi, loli ulughano ulwa Mwene lulo lutakupotwangapo nalumolumo lukumusungilila akiza umuntu yuyo asubiye mumwache.

Masalimo 75:8

U Mwene alemite ulubako munyobe, lulo lwizuye nu vinyo uwa itatafula umongannye ni vyakunonezya ichakulya. Akumupungula, po abantu ababibi bosi aba muchisu ichapasi bakung'wela, bakung'wela wesi mupaka pamasika.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yesaya 51:22

U Mwene Uwamaka Ghosi u Chala winyu, yuyo akubapoka abantu bache akuti, “Ennya nefyako ulubako, lulo lukakupelagha pakutantalila, ulubako lulo nkabapa bo nkalaye, mutakwiza pakung'welamo sona.”

Yelemiya 13:25

Ichi cho chigaba chinyu chicho imbagabiye, pachifukwa ichakuti munduvizye, nukubasubila abachala abazimbuli. Ane ne Mwene nanena.

Ezekiyeli 13:13

“Polelo u Mwene Uwamaka Ghosi akuti: Mukukalala kwane nkwiza pakutuma impepo iya maka ni vula iya mabwe pakulimongola ilinga lila.

Ezekiyeli 38:22

Nkwiza pakumulonga nu bubine ubwakoghofya nukukupula ibanda, nkwiza pakutimizya papache ivula iya mabwe, ni yamoto uwa sulufule na basilikali bache bosi sona ninko inyinji zizyo zili poka nawe.

Habakuku 2:16

Ukwiza pakukoziwa isoni mubuzilo ubwa buchindamu. Polelo chili papako, ng'welagha umwakuti ulanjizye ukusita kusilimuliwa kwako. Ubukali ubwa lubako ulwa Mwene bukwiza papako, ubuchindamu bwako bukwiza pakusamuliwa.

Luka 17:29

Loli pisiku lilyo u Loti akafumagha mu Sodomu, u Chala akabasumbila umoto na mabwe aghakwaka agha sulufule nukubaghogha bosi.

Yohani 18:11

U Yesu akamubuzya u Pitala akati, “Nyosezya upanga wako mubuzilo bwache. Nkimba ukwinong'ona ukuti ntakwiza pakung'wela ulubako ulwa ntamyo lulo Utata ampiye?”

1 Samuweli 1:4

Pisiku lilyo u Elikana akabikila ivyakwiyipa, akamugabilaghako inyama umuchi u Penina, sona na bana bache bosi.

1 Samuweli 9:23

U Samuweli akamubuzya umupiyi yula akati, “Zagha ni chipuza chicho nkakupa, nkakubuzya ukuti uchibike palubazu.”