Masalimo 11:5 - IBAYIBOLO 2024

⁵ U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 11:5 Iomraidhean Croise

Ubwandilo 22:1

Bo pachilapo akabalilo, u Chala akamuyela u Abulahamu. Akamwitizya akati, “Wee Abulahamu!” U Abulahamu akamula akati, “Indi pano.”

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 139:1

Wee Mwene wandondelezya akiza, sona umenye akiza nkani.

Masalimo 17:3

Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Masalimo 21:8

Inyobe yako yikwiza pakubapota abalwani bako, inyobe yako indilo yikwiza pakubalema babo bakubengite.

Masalimo 26:2

Wee Mwene, njezya nukumpima. Sona ughupime umoyo wane ni nyinong'ono zyane zyope.

Masalimo 5:6

Ukubanangannya bosi babo bakunena ubumyasi, sona u Mwene ababengite abaghoghi na bazimbuli.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Yelemiya 12:8

Abachilingo chane bali ngati nkalamu zizyo zili mumusitu. Bakumbulumila nizyu ilya bukali, cho chifukwa imbabengite.

Yelemiya 20:12

Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Zekaliya 11:8

Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Malaki 3:3

Akwiza pakwikala pasi ngati wakusungunula nu wakuswefya u siliva, akwiza pakubaswefya aba Levi pakuba ngati we golide nu siliva. Po bakwiza pakuba bantu babo bakubika ivyabupi mubugholosu kwa Mwene.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

1 Pitala 4:12

Mwee bamanyani bane abaghaniwa, mutakaswighaye ni njelo impalapala zizyo mukukomana nazyo ngati po chintu chimo ichiyeni chabawila.