Masalimo 11:4 - IBAYIBOLO 2024

⁴ U Mwene ali munyumba yache izelu, sona ikaye pachitengo chache kumwanya. Amaso ghache ghakubennya abantu bosi, sona akubapima bosi.

Masalimo 11:4 Iomraidhean Croise

1 Imbili 17:5

Ukwandila pisiku lilyo nkabefezya aba Izilayeli mu Ijiputi mupaka nilelo bulo, ane ntikayepo nalumo munyumba. Pakuti ane nendanendagha muchisakasa ichi na chila, sona akabalilo kosi nikalagha muchisakasa.

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

Yobu 24:23

Angabitikizya abantu ababibi ukuti batuzyanje umwakufwasa, loli amaso ghache ghakwennya akendele kabo.

Masalimo 103:19

U Mwene achikazizye ichitengo chache icha bumwene kumwanya, sona akuvilaghila ivintu vyosi mubumwene bwache.

Masalimo 113:5

Nkimba wewenu ayanite nu Mwene u Chala witu, yuyo akwikala pachitengo icha bumwene kumwanya?

Masalimo 139:23

Wee Chala, undondelezye umwakuti ughumanye umoyo wane, umpime umwakuti uzimanye inyinong'ono zyane.

Masalimo 14:2

Bo ali kumwanya u Mwene akubennya abantu pachisu ichapasi, umwakuti ennye nanti balipo bamo abantu abamahala, babo bakumulondelezya u Chala.

Masalimo 18:6

Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 2:4

Yuyo ikaye kumwanya akubaseka, sona u Mwene akubobezya.

Masalimo 33:13

U Mwene akwennya pasi, bo ali kumwanya, po akubennya abantu bosi.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Masalimo 66:7

Na maka ghache akulaghila bwila na bwila, sona amaso ghache ghope ghakubennya abantu aba inko izinji. Po abantu abakusambuka batakikwezyanje.

Masalimo 9:11

Mumwimbilaye u Mwene, inyimbo izya mapalo yuyo ikaye pachitengo icha bumwene mu Ziyoni. Lumbililagha nizya mbombo zyache pakasi pa inko zyosi.

Ivyili 15:3

Amaso agha Mwene ghakwennya posi na posi, ghakubenelezya ababibi na biza bulo.

Yesaya 66:1

U Mwene akuti, “Kumwanya cho chitengo chane icha bumwene, sona ichisu ichapasi cho chakutambalizizyapo inyayo zyane. Nkimba yili kokwiyi inyumba yiyo munganzengela ane? Nkimba ubuzilo bwane ubwakutuzyapo, bukwiza pakuba po piyi?

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 23:24

Nkimba umuntu angavwama kubusyefu umwakuti intangamwennya? Nkimba ane intalipo posi na posi kumwanya na pachisu ichapasi? Ane ne Mwene nanena.

Mika 1:2

Mwee bantu aba inko zyosi, ivwa kuno, wee chisu ichapasi, na mwebosi mwe mukwikalamo, tegha amakutu ghinyu, ukuti u Mwene Uwamaka Ghosi akubasusya. U Mwene akunena mu Nyumba yache izelu.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Matayi 23:21

Sona nanti akulapila Inyumba iya Chala, akulapila chinicho nu Chala yuyo akwikala mulamula.

Matayi 5:34

Loli ilelo nkubabuzya ukuti utakalapilaye napo panandi bulo. Utakalapilaye pakutambula ukuti, ‘Kumwanya.’ Pakuti kumwanya cho chitengo icha Bumwene icha Chala.

Imbombo 7:49

U Mwene akunena ukuti, ‘Kumwanya cho chitengo chane icha bumwene, sona ichisu ichapasi cho chakutuzizyapo inyayo zyane Nkimba nyumba yoni yiyo munganzengela? Nkimba ubuzilo bubo imbaghiye pakwikalamo buli ko kwiyi?

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

Ubuvumbuli 4:2

Panapo na panapo u Muzimu Umuzelu akanyizila. Nkennya ichitengo icha bumwene kumwanya, chicho akikalaghapo yumo.