Masalimo 11:1 - IBAYIBOLO 2024

¹ Mwa Mwene momumo nkuvwamaghamo. Po nkimba mungambuzya bulibuli ukuti, “Chimbilila kumaghamba ngati cho chiyuni?

Masalimo 11:1 Iomraidhean Croise

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

2 Imbili 16:8

Nkimba abasilikali aba mu Etiyopiya, naba mu Libiya batakaba binji, babo bakaba ni ngolo izya bwite inyinji, na bendezya falasi abinji? Loli bo wamusubila u Mwene, akababika munyobe zyako.

Nehemiya 6:11

Loli nkamula nkati, “Nkimba ane ne muntu uwakuti ningachimbila? Nkimba ane ne muntu uwakuti ningavwama mu Nyumba iya Chala, ukuti impone? Awe intakubukako!”

Masalimo 16:1

Wee Chala unsungililaye, pakuti nkuchimbilila kukwako.

Masalimo 25:2

Wee Chala wane nkusubiye wewe. Utakitikizyanje ukuti nkoziwanje isoni, pamo ukubitikizya abalwani bane ukuti bampotaye.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 56:11

Imusubiye u Chala, po ntakwiza pakukunyilapo ichintu nachimochimo. Nkimba umuntu angambombela bubibi boni?

Masalimo 7:1

Wee Mwene, Chala wane, nkuchimbilila kukwako, umpokaye munyobe izya bosi babo bakunchimbizya.

Masalimo 7:2

Lumo banganzepulannya ngati mumo inkalamu yikuzepulila inyama, nukunyonkolannya ukusita umuntu nayumoyumo uwakumpoka.

Masalimo 9:10

Babo balimenye itabwa lyako, bakwiza pakukusubila, pakuti we Mwene utabalekitepo nalumo babo bakukulonda.

Ivyili 6:5

Wipoke wemwene ngati yo mbabala yiyo yapona munyobe izya mubingi, ngati chiyuni chicho chafyuntumuka muchipingo.

Yelemiya 48:14

“Nkimba munganena bulibuli ukuti, ‘Aswe twe balwabwite, abantu abamaka pabwite?’

Luka 13:31

Pakabalilo kalakala aba Falisayi bamo bakiza kwa Yesu nukumubuzya ukuti, “Wepeko kuno nukubuka kumo, pachifukwa ichakuti u Helodi akulonda pakukughogha.”

1 Samuweli 19:11

Ubusiku bulabula u Sabuli akabatuma abantu kunyumba iya Devedi nukumuvwamilila pandabindabi. Loli umuchi u Mikali akamusoka u Devedi akati, “Nanti utakuchimbila ubusiku ubu, indabi ukwiza pakufwa.”

1 Samuweli 20:38

Po u Yonatani akakolomoka sona akati, “Lubilo, chimbila. Utakazyelaye!” Umulumendo akaseba akalasilo kala nukunyokela nako kwa Yonatani.

1 Samuweli 22:3

Bo epako kulakula u Devedi akabuka ku Mizipa muchisu icha Mowabu nukumulaba u mwene wamu Mowabu ukuti, “Nkimba utangamwitikizya u utata nu mayi ukuti bikalaye nawe kuno mupaka papo nazimanya zizyo u Chala akulonda pakumbombela?”

1 Samuweli 23:14

U Devedi akavwamagha mumaghamba na munkolongo iya Zifi. Isiku ni siku u Sabuli akamulondelezya u Devedi, loli u Chala atakamubika u Devedi munyobe zyache.

1 Samuweli 27:1

U Devedi akanena mwene akati, “Isiku limo u Sabuli akwiza pakungogha. Chingaba chizapo ukuti insamalile kuchisu icha ba Filisiti. U Sabuli atakwiza pakundondelezya mu Izilayeli muno, po nkwiza pakupona.”