Masalimo 109:23 - IBAYIBOLO 2024

²³ Nkuzyebeluka bulo ngati chizyezye icha pachambwila. Po nkutetema ngati we kanta.

Masalimo 109:23 Iomraidhean Croise

1 Imbili 29:15

Wee Mwene uzimenye ukuti aswe twe bayeni bulo pachisu ichapasi ngati banyenya bitu. Amasiku ghitu pachisu ichapasi ghali ngati chizyezye chicho chikuzyebeluka bulo.

Yobu 14:2

Akwanda bulo pakumela ngati bwezya nukufoka, sona akuzyebeluka bulo ngati muzyezye.

Masalimo 102:12

Wee Mwene, loli awe ukwikala pachitengo chako icha bumwene bwila na bwila, itabwa lyako libanjeko mupaka inkulilo zyosi.

Masalimo 144:4

Umuntu ayanite bulo nu muyi, ghope amasiku ghache ghayanite nu muzyezye ghugho ghukuzyebeluka.

Ukufuma 10:13

Po u Mozesi akagholosezya indisa yache mumwanya pachisu icha Ijiputi. U Mwene akayipela impepo iyakubufumilo bwizuba pakuputila pachisu umusanya nu busiku. Pandabindabi umakanta akasata posi na posi.

Ukufuma 10:19

Po u Mwene akayipela impepo iyakubufumilo bwizuba pakuba mpepo iyamaka iya kubwinjililo bwizuba, yiyo yikapupusizya umakanta yula mu Nyanja Inchesamu. Atakasyalamo nayumoyumo umakanta mu Ijiputi.

Umulumbilili 6:12

Nkimba wewenu yuyo achimenye ichintu ichiza mubumi ubwa muntu bo ali mumasiku amapimpa na masita mbombo agha bumi bwache, bo akuzyebeluka bulo ngati muzyezye? Nkimba wewenu yuyo angamubuzya zizyo zikwiza pakubombiwa pachisu ichapasi bo afuye?

Umulumbilili 8:13

Loli umuntu umubibi ivintu vitakumwendelagha akiza, pachifukwa ichakuti atakumuchindika u Chala, sona amasiku agha bumi bwache ghali ngati gho muzyezye.

Yakobo 4:14

Loli mutakuzimanya nukuzimanya ukuti ubumi bwinyu indabi bukwiza pakuba bulibuli! Muyanite bulo nu kabefu, yuyo akuboneka pakabalilo akapimpa bulo nukuzyebeluka.