Masalimo 109:22 - IBAYIBOLO 2024

²² Pakuti ne mupina, sona ne wakusobelwa, ghope umoyo wane ghuvulaye nkani.

Masalimo 109:22 Iomraidhean Croise

2 Abamwene 4:27

Bo umukolo yula afika kwa Elisha, umuntu uwa Chala yula, akafughama pamaso papache nukulema inyayo zyache. U Gehazi akiza ukuti amusunkile, loli umuntu uwa Chala akamubuzya akati, “Muleke! Fwandi utakumwennya ukuti ali muntamyo inkulu nkani? Loli u Mwene anvindite, sona atambuzizye ichifukwa chache.”

Yobu 6:4

Utulasilo utwa Wamaka Ghosi tuli pakundasa, umuzimu wane ghukung'wela isalile izya tulasilo tulatula. Ivyakoghofya ivya Chala vinzyungiliye.

Masalimo 102:4

Umoyo wane ghukutunkana sona ghukufoka ngati lisote. Intakuchinyonywa sona ichakulya.

Masalimo 109:16

Pakuti atakinong'onaghapo nalumo pakuba ni chisa, loli akabalilo kosi akabayivyanga abapina mupaka kubufwe, abakusobelwa sona na bakuyimba

Masalimo 22:6

Loli ane ne somi bulo, te ne muntu, abantu bakuntuka nukunsamula.

Masalimo 25:16

Ghalabukila kukwane nukumpelela ichisa, pakuti indi nemwene bulo sona nkuyimba nkani.

Masalimo 40:17

Loli ane ne mupina sona mupotwe, po u Mwene anyinong'onelaye. Wee Chala wane, we mwavwilizi wane sona we mutabuli wane, utakazyelaye.

Masalimo 86:1

Wee Mwene, unteghelezye sona unyamule. Pakuti ane ne muntu umupina sona ne musobelwe.

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Matayi 8:20

U Yesu akamwamula akati, “Abakambwe bali ni mpako, ni viyuni vyope vili ni vivumbo, loli u Mwana uwa Muntu ate nu buzilo ubwakughonapo nukutuzyapo.”

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Yohani 12:27

“Losi ulu umoyo wane wayimba nkani. Po, nkimba ninganena ichoni? Intinji, ‘Tata, utakitikizye ukuti akabalilo aka kangwile?’ Awe, loli ichi cho chifukwa niziye ukuti nendemo pakabalilo akantamyo aka.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.