Masalimo 109:13 - IBAYIBOLO 2024

¹³ Abaluko lwabo bafwanje bosi, ghope amatabwa ghabo, ghazimiwe mu nkulilo izya muntazi.

Masalimo 109:13 Iomraidhean Croise

1 Abamwene 16:11

Bo u Zimuli anda bulo pakulaghila, akabaghogha bosi abamunyumba iya Baasha. Atakamulekapo nayumoyumo umwanavuli manyi mukamu wache manyi mumanyani wache.

Esitele 9:10

babo bakaba bana 10 aba Hamani, umwana uwa Hamedata, yuyo akaba mulwani uwa ba Yuda. Loli batakafyula ichintu nachimochimo.

Yobu 18:17

Ukumanyikwa kwache kukumala pachisu ichapasi, po itabwa lyache likuzimila.

Yobu 18:19

Ate nabana pamo abaluko pakasi pabantu bache, pate nayumo yuyo asyetepo papo akikalagha.

Masalimo 21:10

Ukwiza pakubazimizya abana babo pachisu ichapasi, abaluko lwabo bakwiza pakumala pakasi pabantu bosi.

Masalimo 21:11

Bakubatika pakukubombela imbibi, pamo nanti bakwivwana pakubomba ububibi, bakwiza pakupotwa.

Masalimo 37:28

Pakuti u Mwene abughanite ubwanaloli, sona atakwiza pakubaleka bene abasubiliwa bache. Bakwiza pakuvighililiwa bwila na bwila, loli abana aba bantu ababibi bakwiza pakuzimila.

Ivyili 10:7

Umuntu umugholosu akukumbukiwanga ngati lusayo, loli itabwa ilya muntu umubibi likwiza pakuba ngati chintu ichibozu.

Yelemiya 22:30

U Mwene akuti, “Mumusimbe umuntu uwa bunubu ngati mughumba, umuntu yuyo atangendelela mubumi bwache pakuti atalipo nayumoyumo uwa luko lwache, yuyo akwiza pakupyanapo ubumwene ubwa Devedi, pamo pakulaghila sona mu Yuda.”

Ukubelengiwa 27:4

Nkimba choni chicho itabwa ilya tata witu lizimile pakasi pa bamunyumba yache pachifukwa ichakuti akafwa umusita bana abalumendo? Utupe ichilingo chitu pakasi pa bakamu aba tata witu.”

Ukukumbusya Amalamulo 25:19

Polelo bo u Mwene, u Chala winyu, abapoka munyobe izya balwani binyu bosi babo babazyunguliye nukwikala muchisu chicho akubapa ukuti chibanje mpyana yinyu, mubaghoghe aba Amaleki, umwakuti atakabepo nayumoyumo umuntu uwakubakumbuka sona muchisu ichapasi. Mutakaluvyanje zinizi.

Ukukumbusya Amalamulo 29:20

U Mwene atakwiza pakumuhobokela nalumo umuntu yunuyu. Naloli ubukali nulweke ulwa Mwene vikwiza pakumocha umuntu yunuyu. Ivighune vyosi vivyo visimbiwe mwibuku linili vikwiza pakumuwila, sona u Mwene akwiza pakulizimya itabwa lyache muchisu ichapasi.

Ukukumbusya Amalamulo 9:14

Mutakankanizye, nkulonda pakubanangannya nukughazimya amatabwa ghabo muchisu ichi. Po nkwiza pakukupela awe pakuba luko ulukulu nu lwamaka, sona mukwiza pakuba mwe binji nkani ukubachila abene.”

1 Samuweli 3:13

Pakuti nkamubuzya u Eli ukuti nkwiza pakubalonga abamunyumba yache bwila na bwila pachifukwa icha mbibi yiyo akayimanya kale. Abana bache bakinyazya bene, loli u Eli atakabakanizya.