Masalimo 107:41 - IBAYIBOLO 2024

⁴¹ Loli akabefya abapotwe muntamyo zyabo, nukubalizya abamunyumba zyabo ngati midimo.

Masalimo 107:41 Iomraidhean Croise

Ubwandilo 48:11

U Yakobo akamubuzya u Yosefu akati, “Intakasubila napo panandi ukuti ningachennya sona icheni chako, loli ilelo u Chala anyitikizya ukuti imbennye na bana bako bulo.”

Yobu 21:11

Abana babo bakwangala palubinjilo, bakunyelanyela ngati twana utwa ng'ozi.

Yobu 36:15

Loli babo bali pakutamiwa akubefyamo muntamyo zyabo; akunenagha nabo bo bali mumayimba ghabo.

Yobu 42:16

Pisinda pache u Yobu akikala amaka 140; akabennya abana bache nabizikulu munkulilo iyafolo.

Yobu 5:11

Abantu abakwiyisya, akubakwezya, sona akubasangalusya abantu babo bali mumayimba.

Yobu 8:7

Napapo pakwanda ukaba ni vintu ivinandi nkani, loli pabumalilo ukwiza pakuba navyo ivyinji nkani.

Masalimo 128:6

Ubanje nubumi ubutali, umwakuti ubennye abanyenya bako. Mu Izilayeli mubanje umutende.

Masalimo 78:52

U Mwene akabalongozezya abantu bache ngati vyo vitekwa, po akabefya munkolongo mula ngati zyo ng'ozi.

Ivyili 17:6

Abizukulu yo mpumpu iya muntu umughosi, sona abapapi bo buchindamu ubwa bana.

Yelemiya 31:27

U Mwene akuti, “Amasiku ghakwiza ghagho aba Izilayeli naba Yuda poka ni vinyamana bakwiza pakubala nkani.

Yakobo 5:11

Abantu banaba tukubitizya ukuti bahobosu pachifukwa ichakuti bakajimba mumayimba. Kumbuka namumo u Yobu akajimbila mumayimba, sona namumo u Mwene akamwamulila pabumalilo. Pakuti u Mwene wachisa, sona walupazikizyo.

1 Samuweli 2:21

Po u Mwene akamusaya u Hana, umwakuti akapapa abana abanji fayivi, abalumendo batatu na balindu babili. Pakabalilo kanaka umulumendo u Samuweli akakula, bo akumubombelagha u Mwene.

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.