Masalimo 107:2 - IBAYIBOLO 2024

² Abapokiwa bosi bazifumusyanje zinizi, kokuti abantu babo akabapoka munyobe izya balwani,

Masalimo 107:2 Iomraidhean Croise

Masalimo 106:10

Akabapoka munyobe iya balwani babo, sona akabatabula munyobe izya bantu babo bakababenga.

Masalimo 130:8

Po akwiza pakumutabula u Izilayeli kumbibi zyache zyosi.

Masalimo 31:5

Wee Mwene Chala wanaloli, nkughubika umuzimu wane munyobe zyako, umpoke.

Ukufuma 15:16

Ulutente nubogha ubukulu nkani vyabawila. Pachifukwa icha maka ghako amakulu, abene bali myee ngati libwe mupaka abantu babo ukabatabula badumusannyepo.

Yesaya 35:9

Mutakwiza pakubamo inkalamu, pamo ichinyamana ichikali chitakwiza pakwendamo, vitakwiza pakwaghiwamo mulamula, loli bene babo bapokiwe, bo babo bakwiza pakwendaghamo.

Yesaya 43:1

Loli ilelo u Mwene, yuyo akakupela awe Yakobo, yuyo akakumata awe we Izilayeli akuti, “Utakanyilaye, pakuti nakutabula, nakwitizya nitabwa, we wane.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yesaya 62:12

Bakwiza pakwitiziwanga ukuti, “Abantu Abazelu aba Chala.” Abantu babo u Mwene abatabuye. U Yelusalemu akwiza pakwitiziwanga ukuti, “Akaya akakulu nkani kako u Chala akaghanite, akaya akakulu nkani kako u Chala atakalekite.”

Yesaya 63:4

Pakuti isiku ilya kutanizizya, likaba mumoyo wane, sona u mwaka uwabutabuli wafika.

Yelemiya 15:21

“Nkwiza pakukupoka ku bantu ababibi sona nkwiza pakukutabula ku bantu abakali.”

Yelemiya 31:11

Pakuti u Mwene akwiza pakumupoka u Yakobo, sona akwiza pakubatabula munyobe izya bantu babo bali namaka ukubachila.

Mika 4:10

Mwee bantu aba mu Ziyoni, ghalaghata nukukoloma, ngati mukolo yuyo akupapa, losi ulu mwepaye mukaya aka, nukwikala munkolongo. Mukwiza pakubuka ku Babiloni, kulakula mukwiza pakupokiwa. U Mwene akwiza pakubatabula munyobe izya balwani binyu.

Luka 1:68

“Amapalo ghabanje kwa Mwene, u Chala uwa ba Izilayeli, pakuti iza pakubavwa abantu bache nukubasatula.

Luka 1:74

ukuti akwiza pakutupoka munyobe izya balwani bitu nukutwitikizya ukuti tumubombele umwakusita ubogha,

Luka 24:21

Loli tukasubilagha ukuti weyuyo akwiza pakubasatula aba Izilayeli. Ukonjelezya pavyosi vinivi, ili lisiku lyabutatu ukwandila pisiku lilyo vikabombiwa.

Aba Galatiya 3:13

U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.”

Ukukumbusya Amalamulo 15:15

Mukumbukaye ukuti namwe bulo mukaba mwe bazya mu Ijiputi, sona u Mwene u Chala winyu akabapoka. Ichi cho chifukwa ilelo nkubapa ilamulo linili.

Ukukumbusya Amalamulo 7:8

Loli chikaba chifukwa ichakuti u Mwene akabaghana, sona nukuti akalondagha ukuti ilayizyo lilyo akabalayizya abanyenya binyu ilyakuti akwiza pakubapoka amwe kubuzya na maka ghache amakulu nkani munyobe izya Falabo uwaku Ijiputi.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.