Masalimo 107:12 - IBAYIBOLO 2024

¹² U Mwene akabayivya ni mbombo, abantu bala bakipunula, po patakabapo nayumoyumo umuntu uwakubavwa.

Masalimo 107:12 Iomraidhean Croise

2 Abamwene 14:26

U Mwene akaghennya amayimba ghagho aba Izilayeli bosi bakakomana nagho manyi muzya manyi musatuke pakuti atakabapo nayumoyumo umuntu uwakubavwa.

2 Abamwene 6:33

Bo u Elisha achili akunena na basongosongo bala, intumi yila yikafika. Po u mwene akati, “Wee Mwene yuyo atuwisizya intamyo zinizi. Nkimba choni chicho indindilile ukuti u Mwene abombepo zimo?”

Nehemiya 9:37

Pachifukwa icha mbibi zyitu, ivyakulya ivyinji ivya muchisu chilachila vikupeghiwa ku bamwene babo bakutulaghila. Bakughalaghila amabili ghitu sona ni ng'ombe zyitu ukuyana namumo bakulondela. Naloli aswe tuli muntamyo inkulu nkani.

Yobu 9:13

U Chala atakubwisya ubukali bwache, akabanangannya abalwani bache, babo bakamanyana nu Lahabu umubibi yula.

Masalimo 142:4

Nkwennya kundilo kwane, atalipo nayumoyumo uwakumpasikizya. Ubuzilo ubwakuti ningavwamamo nabumobumo sona atalipo nayumoyumo yuyo akubupasikizya ubumi bwane.

Masalimo 22:11

Utakabanje kubutali nane, pakuti intamyo zili papipi nane, sona atalipo nayumoyumo umuntu uwakunyavwa.

Ukufuma 2:23

Bo ghachilapo amaka aminji nkani, u mwene uwamu Ijiputi yula akafwa, loli aba Izilayeli bakakoloma nkani pachifukwa icha buzya bwabo. Bakalililagha ubwavwilizi, po u Chala akivwa ukukoloma kwabo.

Yesaya 51:23

Nkwiza pakubapa abantu babo bakubayivya, babo bakababuzya ukuti, “Ghona pasi ukuti twendepo pamwanya.” Po bakapela inyuma zyinyu, pakuba pasi apakwendapo, sona inyuma zyinyu pakuba ngati musebo.

Yesaya 52:5

Po u Mwene akuti, “Nkimba ilelo nasendapo ichoni? Pakuti abantu bane basendiwa pabulo pakubuka kubutali nkani, sona abantu babo bakubalaghila bakubobezya. Akabalilo kosi itabwa lyane likusamuliwa.

Yesaya 63:5

Nkennya, loli patakabapo nayumo uwa kunyavwa, nkaswigha pakuti nayumo yuyo akanyavwa, po nkapota namaka aghane na ghane, sona ubukali bwane bukanyavwa.

Abalongi 16:21

Po aba Filisiti bakamulema, bakamukolompola amaso ghache nukubuka nawe ku Gaza. Bakamupinya ni minyololo iya mukuba. Kulakula bakamubika pakusya amalezi palwala mujele.

Abalongi 16:30

U Samusoni akati, “Leka imfwile poka naba Filisiti!” Po akasunkila na maka ghache ghosi, inyumba yila yikabawila aba mwene, poka na bantu bosi babo bakaba mulamula. Bunubu u Samusoni akabaghogha abantu abinji nkani pabufwe bwache ukubachila abantu babo akabaghogha bo mumi.