Masalimo 106:9 - IBAYIBOLO 2024

⁹ Akayichemela Inyanja Inchesamu yila, po inyanja yilayila yikapwa. Akabalongolela panyanja inyibizu, po abantu bala bakenda pachisu ichumizu.

Masalimo 106:9 Iomraidhean Croise

Nehemiya 9:11

Ukagaba inyanja pamaso papabo ukuti badumusannye pachisu ichumizu, loli ukabibizya munyanja abalwani babo bakabachimbizyanga, umwakuti bakadwiba pasi ngati libwe mumizi aghamaka nkani.

Masalimo 18:15

Amakombe agha nyanja ghakaba pabuzelu. Ulwalo ulwa chisu ichapasi lukabonekela pabuzelu. Bo u Mwene akubachemela abalwani bache, sona bo akulufutila nu muyi uwa mumpuno zyako.

Masalimo 66:6

Akayandula inyanja pakuba chisu ichumizu, umwakuti abantu bakaloboka ulusoko lula pakwenda pasi. Po palapala tukahoboka pachifukwa icha zizyo akabomba.

Masalimo 78:13

Akayigaba inyanja pakasi ukuti badumusannyepo. Akaghapela amizi ukuti ghimilile ngati lubumba.

Yesaya 50:2

Nkimba choni chicho bo niza, patakabapo umuntu nayumoyumo? Nkimba choni chicho bo nitizya, patakaba nayumo umuntu uwa kwamula? Nkimba inyobe yane yikaba mpimpa pakubapoka? Nkimba inte na maka aghakubapokela? Ennya, nanti nayichemela inyanja yikukamuka, nkuzyandula isoko pakuba nkolongo, iswi zyabo zikubola, pachifukwa ichakuti zitakuba na mizi, po zikufwa ni nyota.

Yesaya 51:10

Nkimba utakaba wewe ukakamula inyanja, amizi amibizu nkani, nkimba utakaba wewe ukapela imisebo munyanja umwakuti babo wabapoka baloboke?

Nahumu 1:4

Akuyichemela inyanja nukuyikamusya, sona akuzikamusya isoko zyosi. Ivimelwa ivya mu Bashani nivya mu Kalimeli vikufoka, bope ubwezya ubwa mu Lebanoni bukumila.

Matayi 8:26

U Yesu akamula akati, “Mwe bantu balwitiko ulunandi, nkimba choni chicho mukunyila?” Akanyamuka nukulamula impepo na mayigha ghala ukuti vileke, umwakuti panyanja pakaba myee nkani.