Masalimo 106:8 - IBAYIBOLO 2024

⁸ Loli akabapoka pachifukwa icha itabwa lyache, ukuti amaka ghache amakulu nkani ghamanyikwe.

Masalimo 106:8 Iomraidhean Croise

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Ezekiyeli 20:14

Loli intakabomba ichi pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko bo nkuzyefyamo mu Ijiputi.

Aba Loma 9:17

Pakuti Amasimbo ghakunena kwa Falabo ghakuti, “Nkakupakazya pakuba we mwene ukuti nkubombele ukuti indanjizye amaka ghane, sona ukuti ufumusye itabwa lyane pachisu chosi ichapasi.”

Ezekiyeli 20:44

Mukwiza pakumanya ukuti ane ne Mwene, nanti nababombela ichi pakulichindika itabwa lyane, ntakwiza pakubabombela ukuyana ni zila zyinyu imbibi sona ni.’ ” U Mwene Uwamaka Ghosi anena.

Ezekiyeli 20:22

Loli nkilema, pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko zizyo zikennya, bo nkubefyamo aba Izilayeli mu Ijiputi.

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”

Ukufuma 15:6

Wee Mwene, inyobe yako indilo, yamaka nkani, yabatizannya abalwani.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Masalimo 143:11

Wee Mwene, sungilila ubumi bwane, pachifukwa icha itabwa lyako. Sona unyefyemo muntamyo pakuti we mugholosu.

Masalimo 111:6

Abalanjizya abantu bache, amaka agha mbombo zyache, pakubapa ichisu abantu aba inko izinji.

Ukufuma 18:8

U Mozesi akamupangila uwisevyala ivintu vivyo u Mwene akamubombela u Falabo naba Ijiputi, pachifukwa icha ba Izilayeli. Akamupangila sona nizya ntamyo zyosi zizyo bakakomana nazyo pabulendo bwabo, sona na mosi mumo u Mwene akabapokela.

Yoshwa 4:24

Akabomba bunubu umwakuti abantu bosi aba muchisu ichapasi baghamanye amaka amakulu agha Mwene, umwakuti mumunyilaye u Mwene u Chala winyu bwila na bwila.”

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.

Masalimo 23:3

Akumpa sona amaka. Akundongozezya muzila ingolosu, pachifukwa icha buchindamu bwache.

Yesaya 48:9

Pachifukwa icha itabwa lyane ntakukalala lubilolubilo, pachifukwa icha mapalo ghane nkufisa ubukali bwane, umwakuti ntakabanangannye.