Masalimo 104:3 - IBAYIBOLO 2024

³ Alambalika imitaliko iya nyumba yache pamizi kumwanya. Akughapela amabingu pakuba ngolo yache iya bwite, sona akwenda pavipapande ivya mpepo.

Masalimo 104:3 Iomraidhean Croise

2 Samuweli 22:11

Akakwela pa bakelubi nukubuluka, sona akachimbila nkani pavipapande ivya mpepo.

Masalimo 139:9

Nanti natinji ipululukile kubutali kubufumilo bwizuba, nanti natinji nikalaye kubutali kubwinjililo bwizuba,

Masalimo 148:4

Wee kumwanya nkani, umupalaye, sona mwee mizi agha kumwanya nkani, namwe mumupalaye.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Amosi 9:6

U Mwene akuzenga inyumba izya bumwene kumwanya, sona akwala ulwalo pachisu ichapasi, akughitizya amizi agha munyanja sona akughapungulila pachisu, itabwa lyache we Mwene.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Matayi 26:64

U Yesu akamula akati, “Wanena wemwene. Loli nkubabuzya mwebosi ukuti ukwandila pakabalilo aka mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mumabingu.”

Ukukumbusya Amalamulo 33:26

“Atalipo nayumo u chala uyunji uwakuyana nu Chala uwa Izilayeli, yuyo akwenda mubuchindamu mumwanya, sona yuyo akukwela pamabingu nukwiza pakukwavwa.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.