Masalimo 104:2 - IBAYIBOLO 2024

² Ukwivwinka wemwene nulukozyo ngati mwenda, sona akuzuye kumwanya ngati mwenda uwa chisakasa.

Masalimo 104:2 Iomraidhean Croise

Yobu 36:30

Ennya namumo akunyampanizizya akamesya kumwanya, nukukibizya mupaka pasi panyanja inyibizu.

Yobu 9:8

Weyuyo mwene akala kumwanya, sona akukanya panyuma iya nyivwila.

Yesaya 40:22

Akwikala pamupando uwabumwene, ghugho ghuli pamwanya pakasi pachisu ichapasi, sona abantu bache bali ngati zyo mpazi. Weyuyo akukuzula kumwanya ngati chakuvwinka, sona nukuzungulula ngati chisakasa icha kwikalamo.

Yesaya 45:12

Nene nkachipela ichisu ichapasi, sona nkamumata umuntu ukuti ikalayemo. Ninyobe izyane ni zyane nkachikuzula ichisu ichakumwanya, nkuvilamula ivilundilo vyosi ivyakumwanya.

Daniyeli 7:9

Bo nkwennya, ivitengo ivya bumwene vikabikiwa mubuzilo bwache, po Uwavula Intazi akikala pachitengo chache. Amenda ghache ghakaba swee ngati we kabefu, zyope isisi zyache zikaba swee ngati bo busapa. Ichitengo chache chikakagha indimi izya moto, sona ivingelengele vyache vyosi vikakagha umoto.

Habakuku 3:4

Inkozyo zyache zikaba ngati lizuba ukulama kwache kukafuma munyobe yache mumo mukavwama amaka ghache.

Zekaliya 12:1

Agha gho mazyu aghabulaghuzi agha Mwene ghagho ghakunena nizya Izilayeli. U Mwene yuyo akapela ichisu ichakumwanya, weyuyo akala ulwalo ulwa chisu ichapasi, sona weyuyo akaghupela umuzimu ghugho ghuli mumuntu akuti,

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

1 Timoti 6:16

U Chala mwene bulo atakufwapo nalumo, sona akwikala mu lukozyo lulo nayumo umuntu angapalamilako. Nayumo umuntu yuyo amwenizyepo pamo angamwennya. Kukwache kubanje umuchizi na maka bwila na bwila. Ameni.

1 Yohani 1:5

Amazyu ghagho tukaghivwa kukwache sona tukughalumbilila kukwinyu gho agha: U Chala we lukozyo, mumwache mute ni chisi napo panandi.