Masalimo 104:15 - IBAYIBOLO 2024

¹⁵ Akumupa umuntu uvinyo yuyo akughuhobosya umoyo wache, na mafuta ghagho ghakuchilamizya icheni chache, sona ni vibama ivyakuti vimupanje amaka.

Masalimo 104:15 Iomraidhean Croise

Ubwandilo 18:5

Leka imbape ichakulya ichakuti chibape amaka umwakuti mwendelele nu bulendo bwinyu pakuti mwafika panyumba iya mubombi winyu.” Abantu bala bakamula bakati, “Bomba bulo vivyo wanena.”

2 Samuweli 13:28

U Abisalomu akabalamula abantu bache akati, “Ivwa kuno! Nanti u Amunoni akolwa nkani nu vinyo, sona nanti nababuzya ukuti, ‘Mukome u Amunoni,’ po mumughoghe. Mutakanyilaye pachifukwa ichakuti nene nabalamula. Mujimbaye sona mutakazyelaye.”

Masalimo 105:16

Akachiwisizya izala ichisu, nukuvinangannya ivyakulya vyabo vyosi,

Masalimo 23:5

Ukunjanizizya ivyakulya bo abalwani bakwennya. Wampokela ngati ne muyeni pakumpakazya na mafuta, sona ulubako lwane lukufuluka.

Masalimo 92:10

Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Ivyili 31:6

Umupanje ubwalwa umuntu yuyo ali pakuzililika, sona uvinyo umuntu yuyo ali muntamyo.

Ivyili 31:7

Leka ang'welaye ukuti aluvye ubupina bwache, nukuti atakaghakumbukaye sona amayimba ghache.

Umulumbilili 10:19

Ulusekelo lukubahobosyanga bulo abantu, sona uvinyo akubasangalusyanga, Loli indalama lyo lyamulo ilya vintu vyosi.

Umulumbilili 8:1

Nkimba wewenu yuyo ayanite nu muntu uwamahala, sona nkimba wewenu amenye pakulingannya ivintu? Amahala ghakuchilamizya icheni icha muntu, sona icheni chache chikubonekagha akiza.

Umulumbilili 9:7

Lyanga ichakulya chako nukusekela, sona ng'welagha uvinyo wako nu buhobosu, pakuti u Chala ahobokite ni mbombo zyako.

Yesaya 3:1

Losi ulu u Mwene, u Mwene Uwamaka Ghosi ali papipi pakwefyamo mu Yelusalemu na mu Yuda, ivintu vyosi vivyo abantu bavisubiye. Akwiza pakwefyamo ivyakulya na mizi,

Yesaya 55:10

Ngati mumo ivula nukabefu, vikuwila pasi ukufuma kumwanya, sona vitakunyokelako, bo vitasembeleye ichisu, po akumezya imbeyu nukuzikuzya umwakuti chimupanje umulimi inyinulo ni chakulya ichinji.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Ezekiyeli 14:13

“Wee mwana uwa muntu, nanti ichisu chambombela imbibi sona chite chisubiliwa, po nkwiza pakubafunda nukunangannya ivyakulya, abantu poka ni vinyamana bakwiza pakughoghiwa nizala.

Ezekiyeli 4:16

Po akambuzya akati, “Wee mwana uwa muntu, nkwiza pakubawisizya izala mu Yelusalemu. Bakwiza pakulya ichakulya, loli bakwiza pakulyanga nubogha. Bakwiza pakupima amizi aghakung'wela nukung'wela umwakupasya.

Ezekiyeli 5:16

Nanti nkubasumbila utulasilo twane utwakoghofya utwa zala sona nutwakunangannya, nkwiza pakubalasa nukubaghogha. Nkwiza pakubawisizya izala inkulu nukwefya ivyakulya vyinyu ivya isiku ni siku.

Aba Levi 26:26

Bo nefya ivibama vyinyu ivya isiku ni siku, abakolo 10 bakwiza pakupiya ivibama mu musonta yoka. Po bakwiza pakubagabila amwe ivibama vila mutumenyumenyu, sona nanti mwalya, pope bulo mutakwiza pakwikuta.

Zekaliya 10:7

Aba Efulayimu bakwiza pakuba ngati bantu abamaka nkani, bakwiza pakuhoboka nkani mumoyo ngati bantu babo bakolizwe u vinyo. Abana babo bakwiza pakuchennya nukusekela, amoyo ghabo ghakwiza pakuhoboka mwa Mwene.

Maliko 14:23

Po akasenda ulubako ulwa vinyo nukupalizya kwa Chala nukubapa abamanyili. Bosi bakang'wela uvinyo mulubako lulalula.

Luka 7:46

Utakampakazya na mafuta kumutu wane, loli umukolo uyu apakazya inyayo zyane na mafuta.

Aba Efeso 5:18

Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu.

Ukukumbusya Amalamulo 28:40

Amwe mukwiza pakubyala amakwi agha misyunguti muchisu chinyu chosi, loli mutakwiza pakwenga amafuta ghache, pachifukwa ichakuti ivikomwa vikwiza pakulaghala vyene.

Ukukumbusya Amalamulo 8:3

Akabaleka nizala, po pisinda pache akabapa umana ukuti balyanje, ichakulya ichakuti amwe, pamo abanyenya binyu mutakachilyapo nalumolumo. Akabomba bunubu pakubamanyisya ukuti umuntu atangikala nubumi ni chakulya chene, loli na mazyu ghosi ghagho u Mwene akunena.

Aba Hebeli 1:9

Mukuchighana ichintu chicho chigholosu, loli mukuchibenga ichintu chicho chibibi. Ichi cho chifukwa u Chala, yuyo we Chala winyu, akabapakazya na mafuta agha buhobosu ukuchila abamanyani binyu.”

1 Yohani 2:20

Loli amwe mukapakaziwa nu Muzimu Umuzelu, polelo mwebosi mubumenye ubwanaloli.

Abalongi 19:5

Pisiku ilyafolo akalamusya pandabindabi nkani nukwiyanizizya ubulendo bwache. Loli uwisevyala akamubuzya umukwalima wache akati, “Ulye tasi, po ungabwela.”

Abalongi 9:13

“Loli ulutabo lula lukamula lukati, ‘Ane intangaleka pakufumya uvinyo wane yuyo akubasangalusya abachala na bantu, umwakuti ingalaghilaye amakwi.’

Abalongi 9:9

“Loli ikwi ilya musyunguti lila likamula likati, ‘Ane intangaleka pakufumya amafuta ghane ghagho abachala, na bamwene bakuchindikiliwapo umwakuti ingalaghilaye amakwi.’