Masalimo 103:8 - IBAYIBOLO 2024

⁸ U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 103:8 Iomraidhean Croise

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 145:8

U Mwene, wachisa sona wachililizi, atakukalala mwalwemwalwe, sona uwa lughano lulo lutakupotwangapo nalumolumo.

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yelemiya 32:18

Ubalanjizye ulughano abantu amasabuzani loli ubafunde abantu pachifukwa icha mbibi izya bapapi babo. Wee Chala umukulu sona uwamaka ghosi, itabwa lyako we Mwene Uwamaka Ghosi,

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’

Ukukumbusya Amalamulo 5:10

Loli imbaghanite abantu amasabuzani agha nkulilo izya bantu, babo banganite nukughakonka amalamulo ghane.

Yakobo 5:11

Abantu banaba tukubitizya ukuti bahobosu pachifukwa ichakuti bakajimba mumayimba. Kumbuka namumo u Yobu akajimbila mumayimba, sona namumo u Mwene akamwamulila pabumalilo. Pakuti u Mwene wachisa, sona walupazikizyo.