Masalimo 103:6 - IBAYIBOLO 2024

⁶ U Mwene akulongela mubwanaloli inongwa izya bantu bosi babo bakuyivyiwa.

Masalimo 103:6 Iomraidhean Croise

Masalimo 109:31

Pakuti u Mwene akwimilila papipi na bantu aba kusobelwa, ukuti abapoke ku bantu babo bakudumula ukuti baghoghiwanje.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 146:7

Akubabombela mubwanaloli babo bakuyivyiwa, sona akubapa ichakulya babo bali nizala. U Mwene akubasatula abakayidi.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 72:12

Pakuti akwiza pakubapoka abapotwe babo bakumwitizya, sona abapina babo bate nu wakubavwa nayumoyumo.

Masalimo 72:4

Akwiza pakubimila abapina, nukubapoka abana aba bapotwe, loli akwiza pakubayivya babo bakubayivya abamwabo.

Masalimo 9:9

U Mwene we wakuvwamamo abantu abakuyivyiwa sona we pakuponelamo pakabalilo akantamyo.

Ivyili 14:31

Umuntu yuyo akubayivya abapina, kokuti akumusamula Umupeli wache. Loli yuyo akubapelela ichisa abapotwe, kokuti akumuchindika u Chala.

Ivyili 23:10

Utakakefyanje ichimanyilo icha mpaka iyakale, pamo ukwinjila mumughunda uwa bana abalanda.

Ezekiyeli 22:7

Pakasi papako abantu babasamula abapapi babo nukubayivya abayeni na balanda sona na bafwilwe.

Luka 14:22

Bo uwambombo yula abwelako akati, ‘Wee Mwene, nabomba vyosi vivyo ukandamula, loli ubuzilo buchili bulipo.’

Yakobo 2:6

Loli amwe mukubasamula abapina! Nkimba bate bakabi babo bakubakanyilila amwe? Nkimba bate bo babo bakubawesela pabulongi?