Masalimo 103:5 - IBAYIBOLO 2024

⁵ Akubwizuzya ubumi bwako ni vyiza vyosi, ubulumendo bwako bukwanda chipyachipya ngati lizwanga.

Masalimo 103:5 Iomraidhean Croise

Yobu 33:25

po umubili wache wanyokelamo ngati uwa mwana; wanyokelamo ngati mumo ghukabela ku bulumendo bwache.”

Masalimo 104:28

Nanti wavipa ivyakulya, vikupokelagha, sona nanti wavumbatula inyobe yako, vikwikuta.

Masalimo 107:9

Pakuti babo bali ni nyota akubapanga amizi, sona abazala akubikutizya ni vintu ivyiza.

Masalimo 23:5

Ukunjanizizya ivyakulya bo abalwani bakwennya. Wampokela ngati ne muyeni pakumpakazya na mafuta, sona ulubako lwane lukufuluka.

Masalimo 63:5

Umoyo wane ghukwiza pakuba ngati poghukwikuta ni vintu ivinoni, sona umulomo wane ghukwiza pakwimba, inyimbo izyakukupalizikizya.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

2 Aba Kolinti 4:16

Pachifukwa chinichi tutakunyokelapo nalumolumo mwisinda. Napapo amabili ghitu ghakudedebala panandipanandi, loli amoyo ghitu ghakupokela amaka amapya isiku ni siku.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

Yoshwa 14:11

Loli pope bulo inchili indi na maka ukuyana namumo nkabela lula, bo u Mozesi akuntuma. Inchili indi na maka umwakuti ningalwa ubwite ilelo ngati kale.