Masalimo 103:22 - IBAYIBOLO 2024

²² Mumupalaye u Mwene, imbombo zyache zyosi zimupalaye, kosi na kosi mubumwene bwache. Wee moyo wane, umupalaye u Mwene.

Masalimo 103:22 Iomraidhean Croise

Masalimo 103:1

Wee moyo wane, umupalaye u Mwene. Sona navyosi vivyo vili mumo vilipalaye itabwa lyache izelu.

Masalimo 104:1

Wee moyo wane, umupalaye u Mwene. Wee Mwene Chala wane, we mukulu, sona uvwalite ubuchindamu nu bumwene.

Masalimo 104:35

Loli ababomba mbibi bazimilaye pachisu ichapasi, abantu ababibi batakabanjeko sona. Wee moyo wane, umupalaye u Mwene. U Mwene apaliwanje.

Masalimo 145:10

Wee Mwene, ivya bumi vyosi vikwiza pakukupala bope abantu bako abazelu bakwiza pakukuchindika.

Masalimo 145:21

Umulomo wane ghukwiza pakumupala u Mwene, sona ivipeliwa vyosi vilipalaye itabwa lyache izelu bwila na bwila.

Masalimo 146:1

U Mwene apaliwanje. Wee muzimu wane, umupalaye u Mwene.

Masalimo 148:1

U Mwene apaliwanje. Mumupalaye u Mwene ukufuma kumwanya, sona mumupalaye bo muli kumwanya nkani.

Masalimo 150:6

Ichipeliwa chosi icha bumi chimupalaye u Mwene. U Mwene apaliwanje.

Yesaya 43:20

Napapo vinyamana ivya munkolongo vikunchindika, abakambwe ni nkukutembo vikwiza pakumpala, pachifukwa ichakuti nkuvipa amizi munkolongo, ukuti imbape amizi abantu bane abasaliwa munkolongo.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.