Masalimo 103:18 - IBAYIBOLO 2024

¹⁸ Abantu banaba bo babo bakusungilila ulufingo lwache, sona babo bakughambuka nukughivwila amalamulo ghache.

Masalimo 103:18 Iomraidhean Croise

2 Imbili 34:31

U mwene akimilila papipi ni mpanda yache nukufinga ichipyachipya pamaso pa Mwene, ukuti akwiza pakumwivwilagha, nukukonka amalamulo ghache ni ndaghilo zyache sona ni vimanyisyo vyache nu moyo wache ghosi nu muzimu wache ghosi sona nukughivwila amazyu agha lufingo ghagho ghasimbiwe mwibuku lilalila.

Masalimo 132:12

Nanti abana bako bakughakonka amalamulo ghane, sona ni ndaghilo zyane, zizyo nkubamanyisya, po abana babo bakwiza pakulaghila pabumwene bwako bwila na bwila.”

Masalimo 25:10

Izila zyosi izya Mwene izya lughano sona nsubiliwa, ku bantu babo bakughasunga amalamulo agha lufingo lwache.

Ukufuma 19:5

Nanti ilelo mukunyivwila nukusunga ulufingo lwane, kokuti mukwiza pakuba mwe bantu abane na bane pakasi pa inko zyosi. Pakuti ichisu chosi ichapasi chane.

Ukufuma 24:8

Po Mozesi akasenda ibanda nukubanyafila abantu nukuti, “Ili lyo libanda ilya lufingo lulo u Mwene akafingana namwe ukuyana na malamulo ghosi ghanagha.”

Ivyili 3:1

Wee mwana wane, utakaluvyanje ivimanyisyo vyane, loli ughasungaye amalamulo ghane mumoyo wako.

Yesaya 64:4

Ukwanda bulo kale, patalipo umuntu nayumo yuyo ivuyepo, pamo ukwivwisya nikutu, sona litalipo ilyiso nalimo, lilyo limwenizyepo u Chala ukwefyako amwe, yuyo akubomba mubuzilo ubwa babo bakumulindilila.

Ukubelengiwa 15:40

Po mukwiza pakughakumbuka amalamulo ghane ghosi, sona ghakwiza pakuba mapaghuliwa kwa Chala winyu.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Ukukumbusya Amalamulo 4:23

Muchebaye nkani ukuti mutakaluvyanje ulufingo lulo u Mwene u Chala winyu akafingana namwe. Mutakipangilaye mwebene nachimochimo ichifwani icha chintu chosi chicho u Mwene u Chala winyu akabakanizya.

Ukukumbusya Amalamulo 7:12

Nanti mukughakonka amalamulo ghosi ghanagha na moyo ghinyu ghosi, u Mwene u Chala winyu akwiza pakulusunga ulufingo ulwakulanjizya ulughano lwache lulo akafingana namwe, ukuyana namumo akalapila na banyenya binyu.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

1 Aba Tesalonika 4:1

Pabumalilo, bakamu bane, mukamanyila kukwitu mumo mubaghiye mwikalilaye, umwakuti mumuhobosye u Chala ukuyana namumo naloli mukwikalila. Po ilelo tukubalaba, nukubalambilizya nkani mwitabwa ilya Mwene u Yesu ukuti mubombaye bunubu ukuchilapo pakwanda.