Masalimo 103:10 - IBAYIBOLO 2024

¹⁰ Atakutufunda ukuyana ni mbibi zyitu, pamo ukututanizya ukuyana nukunanga kwitu.

Masalimo 103:10 Iomraidhean Croise

Ezila 9:13

“Ivintu vivyo vyatuwila cho chifukwa icha mbibi nu bubibi bwitu ubukulu nkani. Loli wee Chala witu, watufunda panandi bulo ukuchila namumo zibeleye imbibi zyitu sona witikizya ukuti abantu bitu bamo basyaleko bumi.

Nehemiya 9:31

Loli pachifukwa icha chisa chako ichikulu utakabazimizya abantu bako pamo ukubaleka, pakuti we Chala uwachisa sona uwachililizi.

Yobu 11:6

Nalondagha nkani nanti akuvumbulilagha amahala aghakubusyefu, pakuti amahala aghanaloli ghali ni mbazu zibili. Manya ichi: U Chala aziluvizye zimo imbibi zyako.

Yobu 33:27

Po akwiza pamaso pabantu nukuti, “Ane nkananga pakubunyongannya ubugholosu, loli intakapokela chicho nkachilondagha.

Masalimo 130:3

Wee Mwene, nanti ukazibelengagha imbibi, nkimba wewenu yuyo angapona?

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.