Masalimo 102:4 - IBAYIBOLO 2024

⁴ Umoyo wane ghukutunkana sona ghukufoka ngati lisote. Intakuchinyonywa sona ichakulya.

Masalimo 102:4 Iomraidhean Croise

2 Samuweli 12:17

Amakambala ghache ghakimilila mulubazu lwache ukuti ghamunyamusye, loli u Devedi akakana, sona atakalya nachimochimo ichakulya poka na bantu bala.

Ezila 10:6

Po u Ezila akepapo pantazi pa Nyumba iya Chala nukwinjila muchipinda icha Yehohanani umwana uwa Eliyashibu. Mulamula atakalyapo ichakulya pamo ikung'wela ichakung'wela nachimochimo, pakuti akalilagha pachifukwa ichakusita kusubiliwa ukwa bantu babo bakanyokako kubuzya.

Yobu 10:1

“Naloli ubumi bwane nalita nabo, po nkwiza pakunena amilumbusyo ghane umwakusatuka. Nkwiza pakuvumbula vyosi vivyo vikumbaba mumoyo wane.

Yobu 30:30

Umubili wafita, sona ghutukiye pachifukwa icha zegema,

Yobu 33:20

umwakuti umoyo wache ghukuselukagha ni vyakulya sona akusalaghasalagha ivyakulya ivyakunona bulo.

Yobu 6:4

Utulasilo utwa Wamaka Ghosi tuli pakundasa, umuzimu wane ghukung'wela isalile izya tulasilo tulatula. Ivyakoghofya ivya Chala vinzyungiliye.

Masalimo 102:11

Amasiku ghane ghali ngati muzyezye pachamabwila, sona nkufoka ngati lisote.

Masalimo 102:9

Pakuti amatoyi cho chakulya chane, nukongannya ichakung'wela chane na masozi.

Masalimo 37:2

Pakuti ngati lisote, bakwiza pakufoka lunulu bulo, ngati vimelwa iviteta, bakwiza pakufwa lunulu.

Masalimo 42:6

Umoyo wane ghukutamiwa, polelo nkwiza pakukukumbuka, bo indi muchisu icha Yolodani, sona bo indi pighamba ilya Helimoni nilya Mizali.

Masalimo 69:20

Umusamu ghunughu wanvulazya nkani mumoyo, sona na maka ghope ghangwiliye. Nkalondagha nkani ngali umuntu yumo ampelele ichisa, loli intakamwaghapo nayumoyumo. Nkalondagha nkani ngali abantu bansangalusya, loli atakabapo umuntu nayumoyumo.

Masalimo 77:3

Wee Chala, nkakukumbuka, sona nkakolomoka, nanti nkwinong'ona nizya yuyo, nkuwa amaka.

Yesaya 40:7

Isote likufoka sona ubwezya bukulaghala, pachifukwa ichakuti u Mwene afutilapo umuyi. Naloli abantu bali ngati lisote.

Nkuto 3:13

Akaghulasa umoyo wane nu tulasilo tosi, tuto tukaba muchakubikilamo chache.

Nkuto 3:20

Nanti navikumbuka vyosi vinivi, nkutamiwa nkani mumoyo wane.

Imbombo 9:9

Akaba mufwamaso amasiku matatu, sona atakalyanga pamo ukung'wela chimo.