Masalimo 102:21 - IBAYIBOLO 2024

²¹ Po itabwa ilya Mwene likwiza pakufumusiwa mu Ziyoni, sona akwiza pakupaliwa mu Yelusalemu,

Masalimo 102:21 Iomraidhean Croise

Masalimo 22:22

Nkwiza pakufumusya itabwa lyako pakasi pa bakamu bane, sona nkwiza pakulipalagha itabwa lyako palukomano.

Masalimo 79:11

Ivwa ukukoloma ukwa bakayidi, sona ubapokaye ni nyobe yako iya maka babo babaghiye pakughoghiwa.

Masalimo 79:13

Po aswe twe bantu bako, twe mudimo uwa pakulyezyezyapo ivitekwa, tukwiza pakukupala bwila na bwila, sona tukwiza pakukupalagha mupaka inkulilo zyosi izya muntazi.

Ukufuma 3:16

“Bukagha ubabungannye poka abalongozi aba Izilayeli nukubabuzya ukuti, ‘Ane ne Mwene, u Chala uwa Abulahamu nu Chala uwa Yisaki, sona nu Chala uwa Yakobo akambonekela.’ Ubabuzye ukuti, ‘Nazyennya zizyo aba Ijiputi bakubabombela.

Ukufuma 3:17

Nadumula ukuti nkwiza pakubefyamo mu Ijiputi muchisu icha mayimba nukubuka nabo kuchisu icha mboto, mumo aba Kenani naba Hiti naba Amoli naba Pelezi naba Hivi sona naba Yebusi bakwikalamo.’

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Aba Efeso 3:21

U Chala apokele umuchizi ughu muvipanga, sona na mwa Kilisitu u Yesu ku nkulilo zyosi, bwila na bwila! Ameni.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.