Masalimo 102:2 - IBAYIBOLO 2024

² Utakampanje inkonto, bo indi muntamyo. Tegha amakutu ghako, bo nkukwitizya, sona unyamule lubilolubilo.

Masalimo 102:2 Iomraidhean Croise

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Yobu 7:21

Nkimba choni chicho utakuzimya ukunanga kwane nukuzihobokela imbibi zyane? Pakuti losi ulu nkwinjila mwipumpa, ukwiza pakundondelezya, loli utakwiza pakunyennya nalumo.”

Masalimo 104:29

Nanti ukuvipa inkonto, vikuba nubogha, nanti wafyula umuyi, vikufwa nukunyokela kwitope.

Masalimo 13:1

Wee Mwene nkimba ukwiza pakunduvya bwila, sona ukwiza pakunfisa icheni chako mupaka liyi?

Masalimo 143:7

Wee Mwene, unyamule lubilolubilo, pakuti umuzimu wane wadedebala. Utakanfisilaye icheni chako, lumo ningayana na bantu babo bali mwipumpa.

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 22:19

Loli wee Mwene wane utakabanje kubutali nane. Wee maka ghane zagha lubilolubilo unyavwe.

Masalimo 27:9

Utakanfisaye icheni chako, utakamuchimbizyanje umubombi wako pachifukwa icha bukalale pakuti waba we mwavwilizi wane. Wee Chala Umupoki wane, utakankanaye pamo ukundeka ne mwene.

Masalimo 31:2

Unteghelezye sona umpokaye lubilolubilo. Ubanje we lyalabwe lyane ilyakuvwamako sona ubanje we lilinga lyane ilyakuponelamo.

Masalimo 40:13

Wee Mwene, uhobokaye nane ukuti umpoke. Wee Mwene, nyavwe lunulu.

Masalimo 69:17

Utakamupanje inkonto ne mubombi wako. Unyamule lubilolubilo pakuti indi muntamyo.

Masalimo 70:1

Wee Chala, mpoka lubilolubilo. Wee Mwene, nyavwe lunulu.

Masalimo 71:2

Unyavwe nukunvighilila pakuti we mugholosu. Unteghelezye ukuti unyivwe nukumpoka.

Ukufuma 2:23

Bo ghachilapo amaka aminji nkani, u mwene uwamu Ijiputi yula akafwa, loli aba Izilayeli bakakoloma nkani pachifukwa icha buzya bwabo. Bakalililagha ubwavwilizi, po u Chala akivwa ukukoloma kwabo.

Ukufuma 2:24

U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Yesaya 8:17

Nkumulindilila u Mwene, yuyo akubafisa icheni chache abamunyumba iya Yakobo. Po nkwiza pakumusubila.

1 Aba Kolinti 10:13

Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.