Masalimo 102:18 - IBAYIBOLO 2024

¹⁸ Izi zisimbiwanje pachifukwa icha nkulilo izya muntazi, umwakuti abantu babo batapapiwe bamupalaye u Mwene.

Masalimo 102:18 Iomraidhean Croise

Masalimo 48:13

Mughenelezyanje nkani amalinga ghache, mudumusannyanje pakasi pa nyumba izya bumwene, umwakuti muzibuzyanje inkulilo izya muntazi.

Masalimo 69:34

Kumwanya ni chisu ichapasi, ni nyanja sona na vyosi vivyo vili mumo, vimupalaye.

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Ukufuma 17:14

Po u Mwene akamubuzya u Mozesi akati, “Simba nizya bupoti bunubu mwibuku pakuba chintu chimo ichakukumbukilamo. Umubuzye sona u Yoshwa ukuti nkwiza pakubazimizya aba Amaleki.”

Yesaya 43:21

Abantu babo nkimatila nemwene, ukuti bafumusyanje amapalo ghane!

Yesaya 43:7

Wesi yuyo akwitiziwa itabwa lyane, yuyo nkamupela pachifukwa icha buchindamu bwane, yuyo nkamumata nukumupa ubumi.”

Daniyeli 9:2

mumwaka uwakwanda uwa bulaghili bwache, ane ne Daniyeli nkaghivwisya amasimbo, ukuyana na mazyu ghagho u Mwene akamubuzya umulaghuzi u Yelemiya ukuti ukumongonkana ukwa Yelusalemu kukwiza pakumala amaka 70.

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Aba Loma 15:4

Pakuti chosi chicho chikasimbiwa kale mu Masimbo, chikasimbiwa pakutumanyisya aswe, umwakuti tungaba nu lusubilo ukwendela mu bufisalyoyo nu lukazyo, lulo Amasimbo ghakutumanyisya.

1 Aba Kolinti 10:11

Ivintu vinivi vikababonekela pakuba chifwanikizyo, sona vikasimbiwa ukuti vitusoke. Pakuti tuli pakabalilo, kako ubumalilo buli papipi pakwiza.

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

2 Pitala 1:15

Po nkwiza pakuyezya nkani umwakuti bo nepamo, akabalilo kosi mukumbukaye ivintu vinivi.