Masalimo 102:16 - IBAYIBOLO 2024

¹⁶ Pakuti u Mwene akwiza pakukazenga sona akaya akakulu nkani aka Ziyoni, sona akwiza pakuboneka mubuchindamu bwache.

Masalimo 102:16 Iomraidhean Croise

Masalimo 147:2

U Mwene akukazenga sona akaya akakulu nkani aka Yelusalemu, sona akubabungannya aba Izilayeli babo banyampanite kuchisu icha buzya.

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Masalimo 69:35

Pakuti u Chala akwiza pakumupoka u Ziyoni, akwiza pakutuzenga sona utwaya utukulu nkani utwa mu Yuda. Po abantu bakwiza pakusamilamo nukwikala mulamula.

Masalimo 97:6

Kumwanya kukulumbilila nizya bugholosu bwache, sona inko zyosi zikubwennya ubuchindamu bwache.

Yesaya 14:26

Ulu lo lubatiko lulo lubatikiliwe ichisu chosi, nagholosya inyobe yane ukuti inchifunde ichisu chosi ichapasi.

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Yesaya 60:3

Inko zikwiza pakwiza kulokozyo lwako, na bamwene bakwiza pakwiza pakwennya, ukulama kwako ukwa pandabindabi.

Yesaya 60:7

Ing'ozi zyosi izya mu Kedali zikwiza pakubunganiziwa kukwako, abadubi aba mu Nebayoti bakwiza pakukubombela; bakwiza pakwitikiziwa pakuba vyakwiyipa ivya pachighemo chane, sona nkwiza pakuyichindika inyumba yane.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yesaya 66:18

“Pakuti imenye imbombo zyabo ninyinong'ono zyabo, indi papipi pakuzibungannya inko zyosi, bo biza bakwiza pakwennya ubuchindamu bwane.

Yelemiya 31:4

Nkwiza pakukuzenga sona, wee Izilayeli, umughaniwa wane, ukwiza pakuzengiwa sona. Po mukwiza pakusenda ivisekeseke, nukubuka pakujina umwabuhobosu.

Yelemiya 33:7

Nkwiza pakubanyosezya sona ubwiza bwabo abantu aba ku Yuda naba ku Izilayeli sona nkwiza pakutuzenga utwaya tunutu ukuti tubanje ngati mumo tukabela kale.

Mika 2:9

Mukubachimbizya abachi aba bantu bane munyumba zyabo izyakuboneka akiza nkani, mukwefyapo ulusayo lwane pabana babo abanandi bwila na bwila.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”